დავით გარეჯის სამონასტრო კომპლექსის ტერიტორიაზე, უდაბნოს მთავარ ეკლესიასა და სატრაპეზოში უნიკალური ფრესკები დააზიანეს. ფრესკებზე სხვადასხვა საშუალებებით წარწერებია გაკეთებული. ერთ ადგილას კი პოლონეთია ამოკაწრული... ამის ამსახველ კადრებს „მოამბე“ ავრცელებს.

კულტურული მემკვიდრეობის ეროვნული სააგენტოს განცხადებით, საქმე ვანდალიზმს შეეხება და შესაბამის უწყებებს მოკვლევისთვის უკვე მიმართა.

სააგენტოს ზედამხედველობის სამსახურის წარმომადგენლების ცნობით, ფრესკებზე ნაკლებად მძიმე ხარისხის დაზიანებებია და მათი აღდგენა შესაძლებეელია.

სააგენტოს ხელმძღვანელი ნიკა ანთიძე სოციალურ ქსელში პოსტს აქვეყნებს და წერს, რომ ბევრი ნეგატიური ინფორმაცია ვრცელდება, კულტუტული მემკვიდრეობის დაცვის სააგენტო კი იმაზე მეტ ინფორმაციას ფლობს, ვიდრე ეს სოციალურ ქსელშია.