ამ ხელოვნების შედევრების ავტორი მხატვარი-სურიალისტი რიჩარდ სონდერსია. ის ბრიტანელი მხატვარია, რომლის ნამუშევრები, მხოლოდ ინგლისში კი არა, მის ფარგლებს გარეთაც ძალიან პოპულარულია. მხატვარს განსაკუთრებული აღიარება ბოლო წლებში, კატების თემატიკაზე შექმნილმა სურათებმა მოუტანა.

დიდი, უზარმაზარი კატების შექმნის იდეა, მხატვარს მას შემდეგ გაუჩნდა, რაც ერთ ფოტოსურათზე ნახა, რომელზეც ღრუბლების ფორმაზე გაკრეჭილი ხები იყო. სწორედ იმ მომენტში მიხვდა, თუ რას გააკეთებდა უახლოესი წლებში და შესაძლოა, დარჩენილი ცხოვრების მანძილზეც.

მიუხედავად იმისა, რომ ყველა სურათზე კატაა გამოსახული, რიჩარდის ნამუშევრები ერთმანეთს არა ჰგავს. როგორც თავად მხატვარი ამბობს, კატების პროტოტიპი, ყველა სურათზე, თავისი საყვარელი კატა - ტოლია. მხატვარი ახალ ნამუშევრებს ინტერნეტში, საკუთარ გვერდზე აქვეყნებს, რაც ძალიან ახარებთ მისი შემოქმედების თაყვანისმცემლებს და გვერდის გამომწერებს. ზოგიერთი მათგანი ვერ იჯერებს, რომ ეს უბრალოდ სურათებია და დარწმუნებულია, რომ კატის ფორმაზე გაკრეჭილი ცოცხალი ბუჩქები და ხეები მართლაც არსებობს! მხატვარი კი ცდილობს, ყველას საპირისპირო დაუმტკიცოს:

«მე უბრალოდ ვიღებ ინგლისური ბაღების ფოტოებს, ტილოზე გადამაქვს და კატის ფორმის ბუჩქებს ვამატებ», — ამბობს ის.

როგორც უკვე აღვნიშნეთ, სოციალურ ქსელებში ეს კატა-ბუჩქები დიდი პოპულარობით სარგებლობს და ისინი უკვე მილიონობით ადამიანმა ნახა.

მსოფლიოს მე-8-ე საოცრება