ბავშვობა მაშინ მთავრდება, როდესაც ადამიანს საოცრების აღარ სჯერა. გაიხსენეთ, როგორ იყავით შეპყრობილი და აღფრთოვანებული ილუზიონისტის ხრიკებით. როგორ გინდოდათ გამოგეცნოთ, თუ რა და როგორ ხდებოდა. მაგრამ, დრო გადიოდა და თანდათანობით ყველაფერი გასაგები და უინტერესო ხდებოდა.

თუმცა, ახალგაზრდა ბრიტანელს, რომელიც დინამოს ფსევდონიმით გაეცნო საზოგადოებას, შეუძლია ისევ ბავშვობაში დაგაბრუნოთ და კარგა ხნის წინ მივიწყებული განცდები კვლავ გაგიღვიძოთ.

მანიპულაციები ბანქოთი და მონეტებით; მობილური ტელეფონი ვიწროყელიან მინის ბოთლში; აზრების წაკითხვა და ბევრი სხვა, ისევ დაგაჯერებთ, რომ მაგია და მაგები კიდევ არსებობენ. ჯერ მარტო ის რად ღირს, რომ ამ ადამიანმა, პირდაპირ უესტმისტერის სასახლის წინ, მდინარე ტემზა ფეხით გადაიარა!