ავტოსაგზაო შემთხვევის შედეგად ორი ახალგაზრდა გარდაიცვალა. დაბადების დღის აღნიშვნა ტრაგიკულად დასრულდა. შემთხვევა წუხელ გვიან ღამით, დაბა ხარაგაულში ახალი საავადმყოფოს მიმდებარე ტერიტორიაზე მოხდა. „ბე ემ ვეს“ მარკის ავტომანქანა, რომელშიც 17 წლის ბიჭები იმყოფებოდნენ, ხრამში გადავარდა.

.

ადგილობრივების ინფორმაციით, ავტომანქანა სავალი გზიდან 200 მეტრში, რამდენიმესაათიანი ძებნის შედეგად იპოვეს. გარდაცვლილი მოზარდები მე-11 კლასის მოსწავლეები იყვნენ. ერთ-ერთ მათგანს 16 აპრილს დაბადების დღე ჰქონდა.

შინაგან საქმეთა სამინისტროს მიერ გავრცელებული ინფორმაციით, მომხდარზე გამოძიება სისხლის სამართლის კოდექსის 276-ე მუხლის მეშვიდე ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ორი ან მეტი ადამიანის სიცოცხლის მოსპობა გამოიწვია.