საბუნებისმეტყველო ბოლნისსა და დმანისში კატასტროფული ვითარებაა 2018, 29 მარტი, 15:14  თბილისის სახელმწიფო უნივერსიტეტის ფიზიკის ინსტიტუტის მხარდაჭერითა და თსუ საბუნებისმეტყველო მეცნიერებათა ფაკულტეტის, ნივთიერებათა კვლევის ინსტიტუტის მონაწილეობით ჩატარებული კვლევის თანახმად, ტყვიის ძალზე დიდი შემცველობები კარიერთან ყველაზე ახლოსმდებარე დასახლებებში დაფიქსირდა. დოკუმენტის მიხედვით, ტყვიის რაოდენობა ნიადაგებში 2017 წლის მონაცემებით, საგანგაშოდაა მომატებული 2014 წელთან შედარებით.ტყვიით დაბინძურებულია არა მთელი რეგიონი, არამედ საყდრისის საბადოსთან ახლოს მდებარე სოფლების სავარგულები. უნდა აღინიშნოს, რომ ტყვია ტოქსიკური და ჯანმრთელობისთვის საშიში ელემენტია. იგი უარყოფითად მოქმედებს ბავშვების ტვინის ფუნქციონირებაზე, იწვევს გონებრივ ჩამორჩენას, მეხსიერების დაქვეითებასა და სხვადასხვა ფსიქიკურ აშლილობას. ორგანიზმში დალექვის შემდეგ, ტყვია იქიდან ძალიან ძნელად განიდევნება, ამას საშუალოდ 10-დან 30 წელი ესაჭიროება.  ნიადაგის გარდა დაბინძურებულია მდინარეებიც, რომელშიც უკვე დიდი ხანია აღარანაიღი სიცოცხლე აღარაა და ბაყაყიც აღარ ყიყინებს. მდინარეც არანაკლებ საფრთხის შემცველია ეს მდინარეები მინდვრების მოსარწყავად გამოიყენება. – რა თქმა უნდა, ამ მდინარეებით ირწყვება მინდვრები, სადაც მოჰყავთ ხილი და ბოსტნეული. ამ დაბინძურებულ პროდუქციას ჭამენ როგორც ადგილობრივები, ასევე სხვა რეგიონებში მაცხოვრებლებიც. აქ მოწეული პროდუქცია მთელი ქვეყნის მასშტაბით იყიდება.  ამ რეგიონებში კატასტროფულად არის გაზრდილი როგორც სიმსივნური დაავადებები, ასევე სხვა პათოლოგიები. თითქმის კაზრეთში მომუშავე ყველა მეორე სიმსივნით იღუპება. ეს დაავადებები სხვა რეგიონებსაც ემუქრება. აქ მოწეული პროდუქცია მთელი ქვეყნის მასშტაბით იყიდება. ეკოლოგიის თვალსაზრისით, არც ამ რეგიონებშია კარგი მდგომარეობა. დაბინძურების სრული სურათის წარმოჩენისთვის აუცილებელია კვლევამ მთელი ქვემო ქართლი მოიცვას, გარდა ამისა აუცილებელია დაბინძურების ეფექტის შესწავლა საკვებ პროდუქტებსა და განსაკუთრებით ადგილობრივი მოსახლეობის ჯანმრთელობაზე. უნდა მოხდეს ადგილობრივი მოსახლეობის ჯანმრთელობის მდგომარეობის შეფასება და კვლევა. აუცილებელია გაიზარდოს საბადოს მართვის პროცესში საზოგადოების ჩართულობის დონე. დროა ვიზრუნოთ ჩვენი მომავალი თაობის ჯანმრთელობაზე, თორემ საქართველო მალე უქართველებოდ -თურქებს, ჩინელებს და ვინ იცის რა რჯულის ადამიანებს დარჩება. 316 5-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
