სურსათის ეროვნულმა სააგენტომ, კრიტიკული შეუსაბამობების აღმოჩენის გამო კახეთის რეგიონში საქონლის ოთხი სასაკლაო დახურა. მათ შორის საწარმოო პროცესი შეუჩერდა სიღნაღის მუნიციპალიტეტის ქალაქ წნორში მდებარე სასაკლაოს.

უწყების ინფორმაციით, სასაკლაოები ანტისანიტარიის გამო დაიკეტა, რადგან ადგილზე კანონის მოთხოვნებით დადგენილი ნორმები დაცული არ იყო. სანამ ობიექტებზე არსებული შეუსაბამობები არ აღმოიფხვრება, მათ ფუნქციონირება ეკრძალებათ.

საბოლოო ჯამში საწარმოო პროცესი თელავის მუნიციპალიტეტის სოფლების - ვარდისუბნის და ყარაჯალის, სიღნაღის მუნიციპალიტეტში წნორისა და ლაგოდეხის მუნიციპალიტეტის სოფელ ნინიგორის სასაკლაოებს შეუჩერდა.