21 მარტს იგორ სიკორსკის სახელობის კიევის პოლიტექნიკური ინსტიტუტის რექტორის მიხეილ ზგუროვსკის მიწვევით, საქართველოს საგანგებო და სრულუფლებიანი ელჩი უკრაინაში გელა დუმბაძე ინსტიტუტის სტუდენტებს შეხვდება.

ელჩი სტუდენტებს წაუკითხავს ლექციას თემაზე: "ახალგაზრდა ლიდერების როლი თანამედროვე ცვალებად სამყაროში", რომელიც საქართველოს პირველი დემოკრატიული რესპუბლიკის დაარსების 100 წლის იუბილესა და საქართველოსა და უკრაინას შორის დიპლომატიური ურთიერთობების დამყარების 100 წლისთავს მიეძღვნება.

ლექცია 13:30 საათზე დაიწყება, რომლის დასრულების შემდეგ საელჩოს ინფორმაციით, ელჩი სტუდენტების კითხვებსაც უპასუხებს.

საქართველო-უკრაინის დიპლომატიური ურთიერთობის 100 წლისთავთან დაკავშირებით საელჩოს წლის ბოლომდე სხვადასხვა ტიპის ღონისძიებები აქვს დაგეგმილი.

ღონისძიების ფარგლებში უახლოეს პერიოდში საარქივო მასალების გამოფენა მოეწყობა.