მსახიობ გიორგი მახარაძის ჯანმრთელობის მდგომარეობასთან დაკავშირებით სიახლეა. როგორც მსახიობის დედა და ახლობლები ჟურნალისტებთან აცხადებენ, მკურნალობის შედეგები დადებითია. გიორგის ამჟამად ქიმიოთერაპია უტარდება.

როგორც ცნობილია, რამდენიმე თვის წინ გიორგი მახარაძეს ავთვისებიანი სიმსივნის დიაგნოზი დაუსვეს. მოგვიანებით ოჯახმა დიაგნოზი თურქეთის წამყვან კლინიკებში გადაამოწმეს, სადაც ავადმყოფობა დაადასტურეს.

მსახიობის დასახმარებლად მისი მეგობრები და ცნობადი სახეები გაერთიანდნენ და სამკურნალოდ საჭირო სოლიდური თანხის მობილიზება მოახერხეს. გიორგი მახარაძე ამჟამად მკურნალობას გადის.

სოციალურ ქსელებში გავრცელდა მსახიობის ახალი ფოტოები, რომელიც ქიმიოთერაპიის შემდეგ არის გადაღებული.