გადაშენების პირას მყოფი ევრაზიული წავი გუშინ, ბათუმის ცენტრალურ პარკში დააფიქსირეს. ვიდეო სოციალურ ქსელ "ფეისბუკში" ტურისტული ობიექტების მართვის სააგენტოს ხელმძღვანელმა, ალექსანდრე თევზაძემ გამოაქვეყნა.

ევრაზიული წავი გადაშენების საფრთხის ქვეშ მყოფია და საქართველოს წითელ წიგნშია შეტანილი. იგი 100 წლის შემდეგ გამოჩნდა ბათუმში.

ადრე ეს სახეობა თითქმის ყველა ტბის თუ მდინარის პირას გვხვდებოდა, მაგრამ ბრაკონიორობამ, საარსებო გარემოს შეცვლამ თუ მდინარეში თევზის რაოდენობის შემცირებამ, მათი დიდი რაოდენობით შემცირება გამოიწვია.