აზარტული ადამიანებისათვის ერთი შეხედვით კაზინო ძალიან მიმზიდველად გამოიყურება: გლამურული ბრწყინვალება, ფანტასტიურად ლამაზი ქალები, ძვირფასი სასმელები...ამიტომ ძალიან იოლია დაკარგო თავი და წამში გაატანო ქარს წლობით დაგროვილი თანხა.

ამ პოსტში მინდა გაგიმხილოთ კაზინოს რამდენიმე საიდუმლო, რომლებიც შესაძლოა, შეძლებენ თქვენს შეჩერებას და თავიდან აგაცილებენ ბოლომდე "გატყავებს".

ატლანტიკ-სიტიში პირველი კაზინოს გახსნიდან 15 წლის განმავლობაში მძიმე დანაშაულების რიცხვი 200%-ით გაიზარდა, ხოლო ქურდობა 481%-ით.

აზარტულ თამაშებზე დამოკიდებული ადამიანების ორი მესამედი სჩადის დანაშაულს, რომ დააფინანსონ თავიანთი გატაცება.

როგორც წესი, კაზინოები აგებულია ლაბირინთის პრინციპით, რომ შიგ შესულმა ადამიანმა უცებ ვერ იპოვოს გამოსასვლელი და მის ძიებაში დახარჯოს ყველაფერი, რაც კი გააჩნია.

უფასო სასმელები, რომლებსაც გულუხვად გთავაზობენ კაზინოში, ბინდავენ გონებას, გავიწყებენ სიფრთხილეს და გაქეზებენ წახვიდეთ დიდ რისკზე.

უფასო საკვები და სხვადასხვა შოუს ბილეთები მხოლოდ ფანდია იმისათვის, რომ თქვენ რაც შეიძლება დიდხანს დარჩეთ ამ დაწესებულებაში.

ტუალეტები და ბარები კაზინოს ყველაზე შორეულ კატაკომბებში მდებარეობს, რომ მოთამაშემ იოლად ვერ შეძლოს იქედან წამოსვლა.

კაზინოს განათება მაქსიმალურად ჰგავს საცხოვრებელი სახლების განათებას, რათა მოთამაშეებმა თავი რაც შეიძლება კომფორტულად და მშვიდად იგრძნონ.

არცთუ შორეულ წარსულში კათოლიკური და იუდეური ეკლესია საკმაოდ შემწყნარებლური იყო აზარტული თამაშების მიმართ და მხარსაც კი უჭერდა სათამაშო სახლების არსებობას.

კაზინოში ვერ ნახავთ საათებს და ფანჯრებს-ეს იმისათვის, რომ მოთამაშემ ვერ გააცნობიეროს, თუ რამდენი დრო დაჰყო ამ დაწესებულებაში.

წინა თამაშებზე დაკვირვებით შეუძლებელია დაგეგმო მომავალი მოგება-აქ ყველაფერი შემთხვევითობაზეა დამოკიდებული.

როგორ კარგადაც არ უნდა შეისწავლოთ ესა თუ ის თამაში, ამით თქვენი მოგების შანსი არ იზრდება.

მტკიცებულება იმისა, რომ თქვენ თუ დიდხანს ითამაშებთ, ბოლოს და ბოლოს შეძლებთ დახარჯულის ამოგებას-ეს უბრალოდ ილუზიაა.

პირველი აზარტული მოთამაშეები გაჩნდნენ ჯერ კიდევ პრეისტორიულ დროში.

ცდების უსასრულო რაოდენობაც კი ვერ მოგცემთ კაზინოში მოგების გარანტიას.