"ლივერპულის" ყოფილმა ფეხბურთელმა, ჯეიმი კარაგერმა ფილიპე კოუტინიოზე ისაუბრა და განაცხადა, რომ მასში გადახდილ თანხას ზედმეტად მიიჩნევს.
"კოუტინიო არ არის ისე კარგი ფეხბურთელი, რომელიც, შეიძლება, 140 მილიონი ევრო ღირდეს. თუმცა, ის "ლივერპულის" ლიდერი იყო და მის გაყიდვაში ფულის აღება წარმატებად არ შეიძლება ჩაითვალოს.
ცუდია, რომ ის იანვარში წავიდა, იმ დროს, როცა კლუბი ჩემპიონთა ლიგაზე და თასზე გამოსვლას აგრძელებდა. როცა კოუტინიო ზაფხულში გუნდში დარჩა, "ლივერპულის" გულშემატკივრები, მათ შორის მეც, თითქმის დარწმუნებული ვიყავით, რომ კიდევ ერთი სეზონის შემდეგ ის კატალონიაში მაინც გადავიდოდა, მაგრამ გუნდმა ის შუა სეზონში დაკარგა". - განაცხადა კარაგერმა.