დაკავების შემდეგ მამაკაცმა აღიარა, რომ გოგონას ბევრი ფული დაახარჯა, ის კი სხვას ხვდებოდა.

ინდოეთში მოცეკვავე გოგონას მკვლელობის ბრალდებით დააკავეს 30 წლის პრიტეშ პატელი, ცოლიანი მამაკაცი მსხვერპლის საყვარელი იყო, ამის შესახებ იუწყება Daily Mail-ი.

წყვილმა მუმბაის ერთ-ერთ ბარში გაიცნეს ერთმანეთი, სადაც ჯოიტი სუჯიტ სინგხი მოცეკვავედ მუშაობდა.

29 დეკემბერს გოგონა ფერმაში გაემგზავრა თავის საყვარელთან, მის ცოლთან და მძღოლთან ერთად, სადაც რამდენიმე დღე უნდა დარჩენილყვნენ და ახალ წელს შეხვედროდნენ, თუმცა ეს შეხვედრა სკანდალით დასრულდა, რა დროსაც პრიტეშ პანტელმა ხელი დაავლო ნამგალს და თავის საყვარელს თავს დაესხა, მკვლელობის შემდეგ მამაკაცი დანაშაულის ადგილიდან მიიმალა.

ტრაგედიის ადგილი მიატოვეს პატელის ცოლმა და მძღოლმაც იმის შიშით, რომ შესაძლოა მკვლელი დაბრუნებულიყო და მოწმეები მოეშორებინა, შემდეგ კი პოლიციაში გამოცხადნენ დ დანაშაულის შესახებ უამბეს.

პრიტაშ პატელი 2 იანვარს დააკავეს, მან განაცხადა, რომ საყვარელს ბევრი ფული დაახარჯა, არა და ეჭვობდა, რომ სხვა კაცსაც ხვდებოდა.

იხილეთ სხვა კრიმინალური სიახლეები