კახეთში, საგარეჯოს მუნიციპალიტეტის სოფელ თოხლიაურთან ავარიას ორი ადამიანის სიცოცხლე ემსხვერპლა. შემთხვევა შუადღისას მოხდა.

შსს-ს ინფორმაციით, მსუბუქი ავტომობილი გზის სავალი ნაწილიდან გადავიდა და ხეს შეეჯახა. ჯერ უცნობია, მძღოლს ალკოჰოლური თრობა აღენიშნება თუ არა.

გამოძიება სისხლის სამართლის კოდექსის 276-ე მუხლის მე-7 ნაწილით დაიწყო, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.