გერმანული "ვოისის" გამარჯვებულმა ნათია თოდუამ შესაძლებელია გერმანია 2018 წლის ევროვიზიაზე წარადგინოს. ამის შესახებ ინფორმაციას გერმანული მედია ავრცელებს.

ნათიამ ეკრანებზე გამოჩენისთანავე დაიმსახურა გერმანელი ხალხის დიდი სიმპატია და სიყვარული. ის ნახევარფინალში უპირობო ლიდერი იყო, ხოლო გუშინ მან ფინალში შემოსული ხმების ნახევარზე მეტი 50.10%-ი აიღო. ნათიას გამარჯვება "ფეისბუქის" მეშვეობით მიულოცეს საქართველოს პრეზიდენტმა და პრემიერმინისტრმა.