მოდის ბარბარობის დღესასწაული და ტრადიციულად ყველა ოჯახში მზადდება ლობიანები. წარმოგიდგენთ მარტივ რეცეპტს ტრადიციული ქართული ლობიანის მოსამზადებლად.
ინგრედიენტები ცომისთვის:

1 კგ ხორბლის ფქვილი

600 მლ წყალი

1 ჩ/კ შაქარი

15 გრ საფუარი

50 მლ ზეთი

ინგრედიენტები შიგთავსისთვის:

700 გრ ლობიო

1 თავი ხახვი

2-3 კბილი ნიორი

მარილი პილპილი

ცომის მოსამზადებლად ნელ-თბილ წყალში გახსენით შაქარი, საფუარი და მარილი. გავაჩეროთ 15 წუთით და შემდეგ გადავზილოთ ფქვილში ერთი მიმართულებით. ერთგვაროვანი მასის მიღების შემდეგ მოვასხათ ზეთი და კიდევ გადავზილოთ. შემდეგ ზემოდან გადავუსვათ ზეთი და გავაჩეროთ ცომი 1 საათით. როცა ამოფუვდება კიდევ ერთხელ გადავზილოთ და დავაყოვნოთ 15 წუთით. წინა ღამით წყალში დამბალი ლობიო მოვხარშოთ. შემდეგ გადავწუროთ და ამოვჭყლიტოთ. ტაფაში მოვშუშოთ ხახვი და ნიორი, მოვათავსოთ ჯამში ლობიოსთან, პილპილთან და მარილთან ერთად. ( თუ მარხვაზე არ ხართ დაუმატეთ ღორის ქონი, ძალიან უხდება).
ბოლოს, ცომი დავყოთ 100 გრამიან გუნდებად. ცომის გუნდა გავაბრტყელოთ და მოვათავსოთ შიგთავსი. მოვუკრათ პირი და გამოვაცხოთ ტაფაზე ან ღუმელში (200 გრადუს ტემპერატურაზე).

გემრიელად მიირთვით! გილოცავთ ბარბარობის ბრწყინვალე დღესასწაულს!