გურია დედის ცემის ფაქტზე ოზურგეთში 38 წლის მამაკაცი დააკავეს 2017, 5 დეკემბერი, 20:19
სამართალდამცავებმა ოზურგეთში ოჯახში ძალადობის ბრალდებით 38 წლის მამაკაცი დააკავეს. შს სამინისტროს ცნობით გამოძიებამ დაადგინა, რომ არაფხიზელ მდგომარეობაში მყოფმა მამაკაცმა ოჯახის არასრულწლოვანი წევრის თანდასწრებით, სიტყვიერი და ფიზიკური შეურაცხყოფა მიაყენა 66 წლის დედას, რომელმაც მომხდარის შესახებ პოლიციას შეატყობინა.
„ასევე დადგინდა, რომ ბრალდებულმა საკუთარ დედას სიტყვიერი და ფიზიკური შეურაცხყოფა წარსულშიც რამდენჯერმე მიაყენა. დაკავებული ჩადენილს აღიარებს“, - აცხადებენ შს სამინისტროში.
მომხდარზე გამოძიება ოჯახის ერთი წევრის მიერ, არასრულწლოვნის თანდასწრებით, მისივე ოჯახის წევრის მიმართ ძალადობის და სისტემატური შეურაცხყოფის ფაქტზე მიმდინარეობს.
შს სამინისტროს სტატისტიკური მონაცმებით, 2017 წელს გურიაში ოჯახში ძალადობის 48 შემთხვევა გამოვლინდა, საიდანაც სისხლისსამართლებრივი დევნა 41 შემთხვევაში დაიწყო.
36 2-ს მოსწონს
|
„ტელევიზიებში ვერ შევდივარ, რუსთავი 2–შიც ვცადე, საზოგადოებრივზეც მაგრამ ვერ შევედი“ - მაია ასათიანი
  |
Intermedia.ge © 2011-2024 წელი
საავტორო უფლებები დაცულია
 |
