არასამთავრობო უფლებადაცვითი ორგანიზაცია „ლგბტ საქართველოს“ თანადამფუძნებელი დავით შუბლაძე მამაკაცზე დაქორწინდა. დავით (მიხეილ) შუბლაძე ერთერთი აქტიური აქტივისტი იყო, რომელიც ლგბტ თემის უფლებებს საჯარო გამოსვლებით იცავდა და არც მედიით გამოსვლებს ერიდებოდა.

საქორწინო ცერემონიალი აშშ-ში გაიმართა. დავითი და მისი რჩეული ტრადიციულ ქართულ სამოსში - ჩოხებში იყვნენ გამოწყობილები.

ცერემონიალის ამსახველი ფოტო თავად დავით შუბლაძემ სოციალურ ქსელში განათავსა.

მეგობრები დავითს და მის რჩეულს ულოცავენ და აღნიშნავენ, რომ წყვილი ფოტოზე არაჩვეულებრივად გამოიყურება.