ანა ქისტაური სოხუმის უნივერსიტეტის განათლების ფაკულტეტის მესამე კურსის წარჩინებული სტუდენტია, მიუხედავად იმისა, რომ ის პარალელურად მუშაობს იტალიურ რესტორანში, მისი ქულების საშუალო 90-ზე მაღალია...

განცხადება იმის შესახებ, რომ ნანუკას შოუ მაღალი აკადემიური მოსწრების სტუდენტებს აფინანსებს, აგვისტოში უნახავს, მიუწერია და გუშინ, გიორგობას, დაუფარეს ნახევარი სემესტრის თანხა, რაც მართლაც სასიხარულო, სასიამოვნო, მისალოცი ამბავია.

ანა სამომავლოდ გეგმავს უფრო მეტი შემართებით ისწავლოს, წარმატებით დაამთავროს უნივერსიტეტი, ასწავლოს სკოლაში ბავშვებს და გადასცეს თავისი ცოდნა, სითბო და სიყვარული, გაზარდოს კარგი, განათლებული თაობა. მისთვის სწავლის საფასურის გადახდა, ნამდვილად, დიდი სტიმულია.

ვუსურვოთ ანას უამრავი წარმატება, ოცნებებისა და მიზნების ასრულება. საქართველოს, მართლაც ძალიან სჭირდება ასეთი ნიჭიერი, მონდომებული, საკუთარი საქმის მოყვარული ახალგაზრდობა.