ინტერნეტში აქტიურად განიხილავენ 1860-იანი წლების ნახატს, რომელზეც გოგოა გამოსახული და ხელში რაღაც ნივთს ჩაჰყურებს. მომხმარებელთა ინტერესი სწორედ ამ ნივთმა გამოიწვია. მათი ნაწილის მოსაზრებით, გოგოს ხელში IPHONE-ი უჭირავს.

ნახატი ავსტრიელ მხატვარს ფერდინანდ ჯორჯ ვალდმიულერს ეკუთვნის. ნახატის შესახებ პოსტი თვითერზე პიტერ რასელმა დადო.
რა თქმა უნდა, ნახატზე გოგონას რეალურად პატარა სალოცავი წიგნი უჭირავს. ამის მიუხედავად პოსტმა ინტერნეტში დიდი გამოხმაურება მოიპოვა. ასევე მსგავსი განხილვა მოჰყვა აგვისტოს თვეში 1937 წელს შექმნილ ნამუშევარს, რომელზეც სოციალური ქსელის მომხმარებელმა სმარტფონი შენიშნა.