ყველაფერი იმით დაიწყო, რომ ბიზნესმენმა თავისთვის სახლის აშენება გადაწყვიტა. ჯერ ეგონათ, რომ ის ჩვეულებრივი სახლი იქნებოდა, ისეთივე, როგორც ყველა. ხოლო შემდეგ, მეზობლებმა შეამჩნიეს, რომ საქმე, არც თუ ისე კარგად იყო... მასთან გავლისას, ზოგიერთი პირჯვარს იწერს, ზოგმა შემოვლითი გზებით დაიწყო სიარული, განსაკუთრებით იმ შემთხვევაში, თუ ბავშვთან ერთადაა.

ეს, მსუბუქად რომ ვთქვათ, განსხვავებული სახლი, ქ. რატომკაშია (მინსკის ოლქი, ბელორუსი). შორიდან დანარჩენი ნაგებობებისგან არაფრით გამოირჩევა, მაგრამ საკმარისია ახლოს მიხვიდეთ, რომ... თმა შეიძლება ყალყზე დაგიდგეთ, ხოლო ტანზე ჭინჭრის დასუსხვას ან ჭიანჭველების სირბილს იგრძნობთ. სახლის ფასადის მთელს პერიმეტრზე, სახურავზე და ღობეზეც კი, – ყველგან თავის ქალები, ძვლები და ეშმაკის გამოსახულებებია.

ეს სულისშემძვრელი სიმბოლოები მოსვენებას არ აძლევს ადგილობრივებს. ზოგი ფოტოებს უღებს უცნაურ სახლს, ხოლო სხვებს, ეშინიათ და შებინდების შემდეგ, ქუჩაში არ გამოდიან. მზის ჩასვლის შემდეგ, სახლის გარე განათება ირთვება, ეშმაკების ქამდაკებების თვალებში ჩამონტაჟებული ნათურები ინთება და სახლი ბევრად უფრო საშიში და პირქუში ხდება.

მეზობლებმა ხელმოწერები შეაგროვეს და ქალაქის ადმინისტრაციაში საჩივარის შეიტანეს, მაგრამ ხელისუფლება უძლურია, როდესაც საქმე კერძო საკუთრებას ეხება.

«მიცვალებულთა იმპერიაში» ცოცხალი ადამიანები ცხოვრობენ