ამბობენ, რომ ასაკი მხოლოდ ციფრებია. მთავარია ადამიანის შინაგანი სამყარო. მიუხედავად ამ მოსაზრებისა ბევრი ჩვენთაგანი ცდილობს ასაკს აჯობოს და მუდმივად ახალგაზრდულად გამოიყურებოდეს.

კაროლინ ჰარდცი 70 წლის ქალბატონი და 4 შვილიშვილის ბებიაა. თუ კაროლინის ფოტოებს გადავხედავთ რთული დასაჯერებელია, რომ ის ჩვენი ბებოების ასაკისაა.

მაინც რა არის მისი მარადიული სილამაზის და ახალგაზრდობის საიდუმლო?

30 წლის წინ კაროლინმა უარი თქვა შაქარზე. სწორედ ეს გახდა მისი უშრეტი ენერგიის და სილამაზის წყარო. თავიდან საკმაოდ რთული აღმოჩნდა შაქრის შემცველი პროდუქტების რაციონიდან ამოღება, მაგრამ ულამაზესმა ქალბატონმა მტკიცე გადაწყვეტილება მიიღო და ერთხელაც არ დაურღვევია პირობა.

კაროლინის რაციონში ჭარბობს ცილები. თუმცა ის ზოგრჯელ თავს აძლევს უფლებას მისი საყვარელი კერძები და სასმელები მიირთვას, მაგრამ შეზღუდული რაოდენობით. ის პატარა ულუფებით იკვებება და ცდილობს თითოეული ლუკმისგან მაქსიმალური სიამოვნება მიიღოს.

კაროლინი გემრიელი დესერტების მომზადებისას, შაქრის მაგივრად იყენებს ნატურალურ დამატკბილებელს - ქსილიტოლს, რომელიც მზადდებ ხილისაგან და ბოსტნეულისაგანაც კი.

მუდმივი ახალგაზრდობის შესანარჩუნებლად კაროლინს ასევე აუცილებლად მიაჩნია ძილი. მისი თქმით აუცილებელია დღე-ღამის განმავლობაში 8 საათი მაინც გვეძინოს.

რაც შეეხება კაროლინის მბზინავ სახეს.ის გაურბის მზის სხივებს და ყოველთვის იყენებს მზისგან დამცავ კრემებს.

ულამაზესი ქალბატონი გვირჩევს, ნაკლები ვიფიქროთ ასაკზე და დავტკბეთ ყოველი დღით.