მოგზაურობა მკვდარ გემზე არსებულმა სანახაობამ მეზღვაურები შოკში ჩააგდო 2017, 16 სექტემბერი, 10:41
ასევე დაგაინტერესებთ სტატიები 1277 9-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
ფილიპინების სანაპიროზე იშვიათი იახტა აღმოაჩინეს, რომელსაც ანძა ჰქონდა დაზიანებული, ყველაზე განსაკუთრებული ამ იახტაში ის იყო რომ მასში გერმანელი მოგზაურის სხეული იყო, რომელიც მსოფლიოს სხვადასხვა ადგილებში მოგზაურობდა 20 წლის მანძილზე. ამ 12 მეტრიანი იახტის მფლობელი 59 წლის მანფრედ ფრიცი გახდა, რომლის გარდაცვალების მიზეზი დღემდე უცნობია, აღმოჩენისას იგი მაგიდასთან მჯდომარე მდგომარეობაში იმყოფებოდა, სალონში ინახებოდა დოკუმენტაცია, თუ სად და როგორ მოგზაურობდა ხანში შესული მამაკაცი, ასევე ქილები, რომელშიც სავარაუდოდ საკვები ინახებოდა.
ერთ-ერთმა მოგზაურმა გამოძიებასთან განაცხადა, რომ მას ერთი წლის წინ ჰქონდა დაღუპულ კაცთან კონტაქტი და ისიც სოციალური ქსელით. მიუხედავად იმისა, რომ ძნელია იმის თქმა თუ რამდენი დრო გავიდა მას შემდეგ რაც მოგზაური გარდაიცვალა, თვითმხილველები ამბობდნენ, რომ მისი სხეული ოკეანის ქარებმა, სითბომ და მარილმა მუმიად აქცია. 2008 წელს მოგზაური მეუღლეს დაშორდა, მოგვიანებით კი ქალბატონი კიბოთი გარდაიცვალა. 
მოგზაურის საყვარელ ტურად მალორკაში გატარებული დრო სახელდება, სადაც მას ყველაზე მეტი მასალა აქვს გადაღებული და სამახსოვრო ნივთები შეძენილი, მისი მეგობრები და ნაცნობები, ამბობენ, რომ იგი გამოცდილი მეზღვაური იყო და მათთვის რთული დასაჯერებელია ის, რომ ანძის დაზიანებას მისი სხვა მიმართულებით წასვლა და დაკარგვა გამოეწვია. ექსპერტების აზრით, მოგზაურს სიკვდილი მოულოდნელად ეწვია - ეს დასტურდება მისი პოზიდან. ეს ალბათ, გულის შეტევასთან იყო დაკავშირებული, ცნობილია, რომ მას გერმანიაში დარჩა ქალიშვილი, რომელიც სატვირთო გემის კაპიტანია.
