ყვარელის რაიონში ავტოსაგზაო შემთხვევას სამი ახალგაზრდა კაცის სიცოცხლე ემსხვერპლა.

შემთხვევა სოფელ გავაზთან მოხდა.ცენტრალურ გზატკეცილზე მსუბუქი ავტომობილით ხუთი ახალგაზრდა მგზავრობდა, რომელიც ჯერ ხეს შეეჯახა და შემდეგ კი რამდენჯერმე გადაბრუნდა.ავტოავარიაში 3 ახალგაზრდა კაცი დაიღუპა.

ორი კი მძიმე ტრავმებით სასწრაფო სამედიცინო დახმარების ბრიგადამ ყვარლის რაიონულ საავადმყოფოში გადაიყვანა.

როგორც ცნობილი გახდა ახალგაზრდები სოფელ გავაზიდან იყვნენ.

დაიწყო გამოძიება სისხლის სამართლის კოდექსის 276-ე მუხლის მეშვიდე ნაწილით მიხედვით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ორი ან მეტი ადამიანის სიცოცხლის მოსპობა.