ამერიკის ქალაქ გარდინერში(შტატი მენი) ქალაქის დასუფთავებისთვის მოსახლეობას ჯილდოდ მარიხუანა დაურიგეს.

შაბათობა მოაწყო ბიზნესმენმა დენის მიჰანმა, რომელიც სამედიცინო მარიხუანის სადისტრიბუტორო კომპანიას ფლობს.რა თქმა უნდა მეწარმემ დააზუსტა, რომ აქცია მხოლოდ სრულწლოვან ადამიანებს ეხება(აშშ-ში 21 წელი), ხოლო მარიხუანით დაჯილდოვდება ის მოქალაქე, რომელიც ერთ ტომარა ნაგავს შეაგროვებს.

შედეგები Summit Medical Marijuana-მ საკუთარ "ფეისბუქის" გვერდზე გამოაქვეყნა, სადაც ჩანს ნაგვის ტომრებით სავსე კონტეინერი.

დენის მიჰანი აღნიშნავს, რომ მომავალში აპირებს გააფართოვოს შაბათობის აქციები მთლიანად შტატი მენის ტერიტორიაზე.