ნებისმიერი სურვილის ასრულება შეიძლება, თუ ამას მთელი გულით მოვინდომებთ. ასე, მაგალითად, მას, ვისაც ძალიან უნდა, ცოტა ხნით, წყალქვეშ ცხოვრება, შეუძლია სურვილი აისრულოს. კ. ფიჯზე 2011 წლიდან ფუნქციონირებს სასტუმრო, რომელიც კუნძულის სხვა სასტუმროებისგან იმით განსხვავდება, რომ წყალქვეშ მდებარეობს და ეს სულაც არ არის ხუმრობა! 15 მ. სიღრმეზეა, კეთილმოწყობილი სასტუმროს ნომრები, მდიდრული ავეჯით და საწოლებით. სასტუმროში საპრეზიდენტო ნომერიც არის. მოკლედ რომ ვთქვათ, სასტუმრო კი არა, პოსეიდონის სასახლე უფროა, რომელიც მთლიანად თევზების გარემოცვაშია და მათი დანახვა სქელი მინების მიღმა შეიძლება.

კაიუტებს (სასტუმროს ნომრები) კაფსულისებური ფორმა აქვს და ერთმანეთისგან გარკვეული მანძილის დაშორებით არის განლაგებული. ეს დამატებითი უსაფრთხოება არის მათთვის, ვინც იქ დასვენებას გადაწყვეტს. აქვე უნდა აღინიშნოს, რომ პირველი 1000 ტურისტის სახელი, ვისაც გამბედაობა ეყო და სასტუმროს მომსახურებით ისარგებლა, 2 უზარმაზარ სტელაზე არის ამოტვიფრული. ერთი სტელა სასტუმროსთან, სანაპიროზე დგას, ხოლო მეორე – 15 მ-ის სიღრმეზე.

სასტუმროში ცხოვრება 100% უსაფრთხოა. იქ ყველაფერი სპეციალური მასალით არის დამზადებული.

სასტუმროში წნევის დონე უსაფრთხოების სისტემით კონტროლდება. დამსვენებლებს არ აწუხებთ თავის ტკივილები და ტემპერატურის ცვალებადობა.

სასტუმროში, ორადგილიანი რბილი საწოლების გარდა, არის ბიბლიოთეკა და მაღალი სიჩქარის Wi-fi. ხოლო, თითოეული დამსვენებლის განკარგულებაში დიდი ზომის ტელევიზორი, მუსიკალური ცენტრი, მინი-ბარი, ჯაკუზი და სპა-საშხაპე არის.