ყველაფერი ფეხსაცმელზე - აიშორეთ უსიამოვნებები(+ სხვადასხვა ეშმაკური ხრიკები)

სხვა

2017, 14 ივნისი, 21:05

ყველა ცდილობს კარგად გამოიყურებოდეს, მაგრამ ეს იოლი როდია?! ფეხსაცმელი, რომელსაც ლამაზი იერისთვის ვირჩევთ, ხშირად ბევრ პრობლემას გვიქმნის. ზოგჯერ რთულია ატარო ისინი, როცა ძირი სრიალა აქვს და ფეხი გიცურს, ისეც ხდება, როცა შიგნიდან არის სრიალა სარჩული და გადაადგილება გვიჭირს. შემოგთავაზებთ რამდენიმე სასარგებლო რჩევას, რომელიც დაგეხმარებათ ფეხსაცმლის სწორად მოხმარებაში და კიდევ სხვადასხვა ეშმაკობებს მაღალი ქუსლების მოყვარულთათვის.

ბევრი თქვენგანი ფეხსაცმელს მხოლოდ იმის მიხედვით ყიდულობს, რომ ლამაზია, მერე კი მთელი რიგი უსიამოვნებები იჩენს თავს.

ჩვენ მოგიყვებით თუ როგორ უნდა ვატაროთ სწორად ფეხსაცმელი, რომ მერე არ გაგვიჩნდეს წანაზარდები და დავტკბეთ ყოველი დღით. გვერწმუნეთ, ეს რჩევები აუცილებლად გამოგადგებათ.

იმისათვის, რომ ფეხი არ გაგიცურდეთ, ძირზე გაუსვით ზუმფარის ქაღალდი (იგივე "შკურკა"). თუ ფეხი გიოფლიანდებათ და სუნი გაწუხებთ, ამისათვის არსებობს სპეციალური დეზადორები, მაგრამ ზოგჯერ ხელში არ მოგვყვება, ან სიძვირის გამო ვერ ვახერხებთ შეძენას. მას არაჩვეულებრივად ცვლის მშრალი მყარი დეზადორი.ფეხსაცმელმა ფეხი რომ არ გადაგვიყვლიფოს, ამისათვის პრობლემურ ადგილებზე წავისვათ ვაზელინი.თუ ახალმა ფეხსაცმელმა მაინც გვატკინა ფეხი და გადაგვეყვლიფა, გაიკეთეთ ფეხის აბაზანა, რომელშიც თბილ წყალში ჩაშვებული იქნება შავი ჩაის პაკეტი. ის ინფექციური დაავადებების პროფილაქტიკისთვისაც ძალიან სასარგებლოა.ფეხსაცმლიდან უსიამოვნო სუნის გასაქრობად, შეგიძლიათ გამოიყენოთ ჩვეულებრივი საჭმელი სოდა.იმ გოგონებს, ვისაც მაღალქუსლიანი ფეხსაცმელი უყვართ, ალბათ შეუმჩნევიათ, რომ ხშირად შიგნით ფეხი მოძრაობს(ანუ სოსავს), იმისათვის, რომ ის კომფორტულად გადგეთ, ფეხზე ჩაცმამდე დაისხით თმის ლაქი.დაღლილი ფეხებისთვის არაფერია იმაზე უკეთესი, ვიდრე მასაჟი. მისი გაკეთების საუკეთესო ვარიანტი კი ტენისის ბურთებია. გაიკეთეთ ის ყოველი დამღლელი სამუშაო დღის შემდეგ და უჩვეულო შვებას იგრძნობთ. შუშების საწმენდი სითხე დაგეხმარებათ თქვენს შელახულ ლაქის ფეხსაცმელს დაუბრუნოთ ახლებური იერი.იმისათვის, რომ შემოდგომის ფეხსაცმელი დაათბუნოთ ჩააფინეთ მასში ამოჭრილი შალის საფენები.და ბოლოს, თუ სადმე მიმგზავრებით და ჩემოდანში ადგილის ეკონომია გჭირდებათ, ჩაალაგეთ ფეხსაცმელში ადვილად მტვრევადი საგნები.