14 მაისს ლეგენდარულმა ჯგუფმა “სახემ'' ფილარმონიის დიდ საკონცერტო დარბაზში გრანდიოზული კონცერტი გამარათა. ჯგუფმა მუსიკალურ ინდუსტრიაში ისეთი ჰიტები შექმნა, რომლებსაც დღესაც მღერიან და აქტუალურობას არ კარგავს.1997 წელს ფილარმონიაში ანშლაგით ჩატარებული კონცერტის შემდეგ, სადაც ბევრი მსურველი ვერც კი მოხვდა და დარბაზი სრულად “დაინგრა'', მუსიკალურმა ჯგუფმა დარბაზი ისევ ხალხით აავსო და ხალხის აყოლიება ამჯერად დუეტში, მესამე წევრის გოგა ხაჩიძის გარეშე, შეძლო. კონცერტმა სრული ანშლაგით ჩაიარა.ეს ის შემთხვევა იყო, როცა პირველივე სიმღერიდან დარბაზი ფეხზე იდგა და კონცერტის დასრულებამდე ცეკვავდა და მღეროდა. აუდიტორიამ თითეული მელოდია სახის რეპერტუარიდან ზეპირად იცოდა.

პრესა და ტელევიზია აჭრელდა სახის კონცერტის სურათებითა და ვიდეოებით. ბოლო ათწლეულების მანძილზე ფილარმონიას მსგავსი პრეცედენტი არ ახსოვს. კონცერტის წამყვანი გიორგი ცაავა და მუსიკალური გამფორმებელი გუფი-ლენდი გახლდათ.

საღამოზე არაერთი მომღერალი იღებდა მონაწილეობას, რომლებმაც სახის სიმღერების სხვადასხვა ქავერები შეასრულეს.

სპეციალურად “სახის'' იუბილესთვის თბილისში ჩამოვიდა ჯგუფი “Poetry’n’Motion",

რომელიც წლებია ჯგუფის წევრებთან მეგობრობენ და არც ამ საღამოს დააკლდნენ. მათი ტანდემი ყველასათვის ცნობილია.

განსაკუთრებული ემოცია გამოიწვია სცენაზე უამრავი პატარის გამოჩენამ. სტუდია “სახის'' ბავშვებმა სცენა სიხალისით აავსეს, სიმღერით “წვიმად გადავიქეცი".

ჯგუფმა მუსიკალური გეგმები დაანონსა. მუსიკოსების და კახაბერის ერთობლივი გადაწყვეტილებით ქართველი მაყურებელი მალე მათი ერთობლივი პროექტის შემფასებელი გახდება, რომლებიც ქართველებს საინტერესო პერიოდის შექმნას პირდებიან.

ჯგუფი რომლის ანგარიშზე არაერთი ჰიტი და 20 წლიანი გამოცდილებაა ახალ მუსიკალურ პროექტს და კონცერტს ზაფხულიდან გეგმავს.

კონცერტის ბოლოს ფილარმონიის წინ, მიუხედავად წინააღმდეგობისა, ჯგუფის ვარსკვლავი გაიხსნა, რომელსაც ჯგუფის დიდი გულშემატკივარი -ეკა ბესელია ესწრებოდა.

კიდევ დიდხანს ემახსოვრება “სახის'' კონცერტი ქართველ მაყურებელს.