თქვენ, ალბათ გქონიათ შემთხვევა როდესაც პირასოხოცი კარგავს ფერს, სინაზესა და სირბილეს. ეს ძირითადად, საპონის, სხვადასხვა ქიმიური სარეცხი საშუალებების ბრალია. ასევე, ხშირია შემთხვევა, როდესაც პირსახოცს უსიამოვნო სუნი უჩნდება და გარეცხვის შემდეგაც არ ქრება ის.

როგორ მოვიქცეთ?
საჭირო ინგრედიენტები ძალიან იაფი და ყველასთვის ხელმისაწვდომია. მათი დახმარებით, თქვენი პირსახოცები მუდამ რბილი, სურნელოვანი და ტენის აღქმის უნარიანი იქნება.

რატომ ზიანდება ისინი?
პირსახოცების დაზიანებას იწვევს არასწორი გამოყენება. მათი შეცვლა უნდა მოხდეს ყოველ კვირაში ერთხელ. ხოლო თვეში ერთხელ, სარეცხი საშუალებით უნდა გაირეცხოს. არ გამოიყენოთ თეთრეულის გასარეცხი სპეციალური სითხე, რადგან ის უფრო აზიანებს ქსოვილს. თუ თქვენს პირსახოცს უსიამოვნო სუნი აქვს, ეს შეიძლება საპნის ნარჩენების ბრალიც იყოს. იმისთვის, რომ პირსახოცს დაუბრუნოთ პირვანდელი სახე და გახდეს ფუმფულა, საკვები სოდა და ძმარი დაგჭირდებათ. ეს ორი ინგრედიენტი თითქმის ყველა დიასახლისის სახლში მოიპოვება.

დაგჭირდებათ:
1 ჭიქა ძმარი;
1/2 ჭიქა სოდა;

ცხელი წყალი.

სარეცხ მანქანაზე დააყენეთ მაქსიმალური ტემპერატურა, სითხის ჩასასხმელ კონტეინერში ძმარი ჩაასხით და დააყენეთ მხოლოდ რეცხვის რეჟიმზე (წურვისა და გავლების გარეშე). როდესაც ეს რეჟიმი მორჩება, სარეცხი ფხვნილის ჩასაყრელ კონტეინერში ჩაყარეთ სოდა და ამჯერად მხოლოდ გავლებისა და წურვის რეჟიმზე დააყენეთ მანქანა. პროცესის დასრულების შემდეგ, თქვენუ პირსახოცები ისევ ახალივით იქნება. ისიამოვნეთ!

იხილეთ აგრეთვე:

გაწმინდეთ გაჭედილი მილები სწრაფად და მარტივად!

სოდა, იოდი და მარილი -თქვენი ჯანსაღი ფრჩხილების საიდუმლო

სოდიანი წყლით სიმსივნისა და სოკოს მკურნალობა!