ინგრედიენტები:

პომიდორი — 10 კგ.
წითელი ბულგარული წიწაკა — 10 კგ.
ნიორი — გემოვნებით (200 გრ-ს ფარგლებში)
დაფქული მწარე წიწაკა — გემოვნებით
მარილი — გემოვნებით

ასევე დაგჭირდებათ:

ალუმინის ქვაბი, ისეთი სიმაღლის, რომ მორევისას, კოვზი ქვაბის ძირს მისწვდეს;

ხორცის საკეპი მანქანა;

ხის კოვზი (გეძელი);

რეზინის ხელთათმანები (სქელი);

მომზადება:

I. გარეცხეთ და ყუნწები მოაჭერით პომიდორს > გაატარეთ ხორცის საკეპ მანქანაში > დადგით ცეცხლზე და დროდადრო ურიეთ, რომ ძირზე არ მიიწვას.

პომიდორი იმდენ ხანს უნდა ადუღოთ, ვიდრე ზედმეტი წვენი არ აორთქლდება და მასა არ შესქელდება.

შენიშვნა: ამ ეტაპზე, შეგიძლიათ ცეცხლი გათიშოთ და ტომატის ხარშვა მეორე დღეს გააგრძელოთ.

II. ვიდრე პომიდორი დუღს, ბულგარულ წიწაკა გარეცხეთ > ყუნწები და თესლი მოაცილეთ > გაატარეთ ხორცის საკეპ მანქანაში (წიწაკის დაჭრის და გატარების დროს, აუცილებლად გაიკეთეთ რეზინის ხელთათმანები).

III. როდესაც პომიდორი შესქელდება, ჩაასხით გატარებული ბულგარული წიწაკა ქვაბში. მასა გათხელდება > გააგრძელეთ დუღილის პროცესი, იქამდე, ვიდრე ისევ არ შესქელდება.

IV. დაამატეთ მანქანაში გატარებული ნიორი, დაფქული წიწაკა და მარილი.

V. შენელების შემდეგ, ადუღეთ კიდედვ 10-15 წუთი.

VI. ცეცხლი არ გათიშოთ და ისე ჩაასხით სტერილურ ქილებში. ქილა, მასის ჩასხმამდე, ქვაბიდან ამოსულ ორთქლზე 30 წამი გააჩერეთ, რომ ჩასხმის დროს არ გასკდეს > ჩასხმისთანავე დაახურეთ თუნუქის სახურავი > როდესაც მასას მთლიანად გაანაწილებთ, მოხუფეთ და მოხუფვა იმ ქილით დაიწყეთ, რომელშიც საწებელი პირველად ჩაასხით.