გაოცდებით! რომელი მცენარეული საკვები არ უნდა მივიღოთ მარხვისას(შაქარი, წვენები, ღვინო...)

სასარგებლო პროდუქტები

2017, 2 აპრილი, 11:38

დავიცვათ მარხვა ან გავხდეთ ვეგეტარიანელი- ეს ალბათ იოლი გეჩვენებათ, უბრალოდ უარს იტყვით ხორცეულზე და სულ ესაა. - არასწორია! იქნებ არც კი ვიცით, რამდენი პროდუქტი შეიცავს ცხოველურ ელემენტებს, რომელიც ჩვენ მხოლოდ მცენარეული გვგონია? კარგად რომ გავერკვეთ რას ვჭამთ, ამისათვის აუცილებელია ვისწავლოთ პროდუქციის ეტიკეტზე არსებული შემადგენლობის კითხვა. ჩვენ ქვემოთ ჩამოთვლილი გვაქვს პროდუქტები, რომლებსაც ვერც კი წარმოიდგენდით თუ ცხოველური შემცველობა ექნებოდა.

თეთრი შაქარი. ის თავის ფერს გასუფთავების შედეგად იღებს, რომლის დროსაც იყენებენ ძვლის ნახშირს, რაც ნიშნავს, რომ თვითონ შაქარი არ არის, ცხოველური წარმოშობის, მაგრამ არც მთლად მცენარეულია. თუმცა ვერც შაქრის სიროფს ან ყავისფერ შაქარს შევჭამთ, რადგან ისიც თეთრი შაქრისგან მზადდება. ზოგიერთი შაქრისმწარმოებელი სერთიფიცირებულნი არიან ვეგეტარიანულ წარმოებაზე, რისი შემოწმებაც შეგვიძლია ვებგვერდზე "PETA" ან დამატკბობლად იხმარეთ აგავას ან სხვა მცენარეული სიროფები.

ეს ტკბილი სასუსნავი დამზადებულია ჟელატინისგან, რომელიც კოლაგენისგან მზადდება და მიიღება ცხოველური პროდუქტებისგან. უნდა მოვერიდოთ ჟელატინისგან დამზადებულ ყოველგვარ საკვებს.

რადგან ტკბილეულს განვიხილავთ, აქვე უნდა ავღნიშნოთ, რომ ფრთხილად იყოთ ყოველგვარ კარამელებთან. ისინი ამოვლებულია მბრწყინავ(პრიალა) გარსში, რომელიც ხოჭოების გადამუშავებით მიიღება.

რას იტყვით წითელი ვაშლის კარამელზე? ალბათ დარწმუნებული ბრძანდებით რომ მცენარეულია, თუმცა უნდა ვიცოდეთ, რომ წითელი კარამელების უმრავლესობა ფერს წითელი ხოჭოებისგან იღებს. ამიტომ ეტიკეტზე აღნიშნული იქნება: "კარმინი" ან "კარმინის მჟავა".

სოიოს ყველი. არც კი იფიქრებთ, მაგრამ ზოგი მწარმოებელი ამატებს კოზეინს-რძის ცილას. შეამოწმეთ ეტიკეტი!

სხვადასხვა სოუსები, თუნდაც ის სოიოსი იყოს, რომლებსაც აქვს კრემივით ბლანტი მასა. აქაც შევამოწმოთ წარწერა.

თხილეული. თუ თქვენ თვითონ არ ამტვრევთ მათ, ნუ ენდობით შეფუთულს, რადგან დანამატებში იყენებენ ჟელატინს.

"ჩიპსი" ის კარტოფილია, მაგრამ... განსაკუთრებით დასახელებით "ბარბექიუ", ის შეიძლება შეიცავდეს ქათმის ცხიმს.

ნამცხვრის ფხვნილები, რადგან ის მშრალი და ფხვიერია, შეიძლება შეიცავდეს
რძის პროდუქტებს და შეიძლება სალასაც.

მარგანინი-მიუხედავად იმისა, რომ მათი უმეტესობა მცენარეულია, შეიძლება შეიცავდეს კოზეინს და ჟელატინს.

ფორთოხლის წვენი. ეს სულ მცენარეულია, მაგრამ მასში კვებითი დანამატების სახით შეიძლება იყოს ომეგა-3, რომელიც მიღებულია თევზის ქონისგან.

ბევრი საკვებისმწარმოებელი და ღვინის ქარხანა სასმელის გასაფილტრად იყენებს მემბრანას, რომელიც ტროპიკული ზღვის თევზებისგანაა დამზადებული. სანამ სასმელს შეიძენთ, დარწმუნდით, რომ ქარხანა ვეგეტარიანულია.