ბარსელონას თავდამსხმელმა ლიონელ მესიმ ესპანეთის ჩემპოინატის 28–ე ტურის საშინაო მატჩში ვალენსიას წინააღმდეგ მორიგ წარმატებას მიაღწია.

კატალონური გუნდი თავიდან აგებდა ანგარიშით 0:1, მაგრამ შეძლო მატჩის შემობრუნება და გაიმარჯვა ანგარიშით 4:2. არგენტინის ნაკრების ლიდერის ანგარიშზე ორი გოლია. ეს მესის მეასე დუბლია ოფიციალურ მატჩებში ბარსელონას შემადგენლობაში.

მესიმ ამ სეზონში ესპანეთის ჩემპიონატის 25 მატჩში მიიღო მონაწილეობა და 25 გოლი გაიტანა. მის ანგარიშზეა აგრეთვე 8 საგოლე გადაცემა.