ამერიკის შეერთებულ შტატებში კომპანია Lockheed Martin–მა დაამთავრა ახალი ლაზერული იარაღის გამოცდა. იტყობინება გამოცემა Defence Talk.

იარაღის საპროექტო სიმძლავრე 60 კვტ. ია.გამოცდის დროს გაზომილმა სიმძლავრემ 58 კვტ.–ს მიაღწია. წარმატებით ჩატარებული გამოცდა პროექტის დამამთავრებელი ეტაპი იყო. იარაღი ამერიკის არმიის შეკვეთით დამზადდა.

ლაზერულ იარაღს ამზადებს აგრეთვე Boeing, აი მაგალითად დანადგარი HEL MD 10 კვტ.–ის სიმძძლავრით:

დანადგარი მუშაობს ტექნოლოგიით, როცა რამდენიმე მცირე სიმძლავრის გამოსხივება გადაეცემა გამაერთიანებელ ბლოკს. იქედან კი უკვე გაერთიანებული მაღალი სიმლავრის სხივი მიიღება.

კომპანია Lockheed Martin–ში ამტკიცებენ, რომ ახალი ლაზერული დანადგარი 50%–ით ნაკლებ ენერგიას ხარჯავს. დანადგარზე მუშაობა 2014 წლიდან მიმდინარეობს.

იარაღის სამხედრო მარაგი გენერატორის ენერგიის მარაგით განისაზღვრება. სანამ ენერგია მიეწოდება დანადგარი მუშაობს. ერთი გასროლის (იმპულსის) ღირებულება ლაზერული იარაღით, რამდენიმაჯერ იაფია, ვიდრე არტილერისტული იარაღით ან ნაღმტყორცნებით.

ამერიკელი სამხედროები აღნიშნავენ, რომ ლაზერული იარაღით შესაძლებელია უპილოტო საფრენი აპარატების, მცირე თვითმფრინავებისა და ვერტმფრენების ჩამოგდება. სხივით შეიძლება აგრეთვე დისტანციურად გავანეიტრალოთ ნაღმები. დანადგარის დამონტაჟება შეიძლება მანქანაზე, გემზე, თვითმრინავზე ან სხვა პლატთორმაზე.