IV სამყაროს ქვეყნები

16.02.2025
სტატია:140282
ვიდეო:351932
სურათი:513181

Array
(
    [get1] => სტატია
    [get2] => 83639-IV-სამყაროს-ქვეყნები
    [get3] => 2
)

მსოფლიო

IV სამყაროს ქვეყნები

2017, 5 მაისი, 15:25

III სამყაროს ქვეყნების შესახებ ბევრჯერ გვსმენია და წაგვიკითხავს. ამ ქვეყნებს ხშირად განვითარებად ქვეყნებადაც მოიხსენიებენ. რაც იმას გულისხმობს, რომ იქ სოციალურ-ეკონომიკური და პოლიტიკური მდგომარეობა ჯერ კიდევ სტაბილური არ არის და რომ ამ ქვეყნების მოსახლეობა უკიდურეს გაჭირვებაში იმყოფება. მაგ., ტელევიზიით აჩვენეს ერთი მრავალშვილიანი ოჯახი, ინდოეთში, რომელიც 5 მ. კვ. ოთახში ცხოვრობს. და ეს ერთადერთი შემთხვევა არ არის ქვეყნისთვის, რომლის მოსახლეობა მილიარდს აღემატება. ასეთი ინფორმაციის მიღების შემდეგ, ფიქრობ რომ ამაზე უარესი რაღა უნდა იყოსო. მაგრამ, ეს ასე არ არის...

მსოფლიო პოლიტიკურ რუკაზე 193 ქვეყანა არის და მათი «სამყაროებად» დაყოფა ცივი ომის დროს, გასული საუკუნის 50-იან წლებში მოხდა. გამოიყო III სამყარო:

I. სამყარო – კაპიტალისტური ქვეყნები;

II. სამყარო – სსრკ და კომუნისტურ ბლოკში შემავალი ქვეყნები;

III. სამყარო – ქვეყნები, რომლებიც არც ერთ ბლოკში არ იყო გაერთიანებული და როგორც უკვე აღნიშნული იყო, დაბალი იყო მათი განვითარების სოციალურ-ეკონომიკური დონე. უნდა აღინიშნოს, რომ გასული საუკუნის 90-იან წლებში, ამ ჯგუფის ზოგიერთმა ქვეყანამ, ეკონომიკური მაჩვენებლებით, საბჭოთა კავშირის ყოფილ ქვეყნებს გადაასწრო.

IV. სამყარო – დღეს III სამყაროს ქვეყნებს გამოეყო უღარიბესი ქვეყნების ჯგუფი, რომლებშიც პოლიტიკურ-ეკონომიკური მდგომარეობა იმდენად მძიმეა, რომ გაუგებარია, საერთოდ როგორ ახერხებენ ადამიანები ასეთ ქვეყნებში ცხოვრებას კი არა, არსებობას.