უკრაინელი ირინა ნოხაი და მისი საქმრო ემლინ კარველვერი სამხრეთ აფრიკის რესპუბლიკიდან დუბაში დააკავეს არაკანონიერი სექსუალური კავშირის გამო.

29 წლის მამაკაცი და 27 ქალის ქალი უკვე ორი თვეა დუბაის ციხეში იმყოფება არაკანონიერი სექსუალური კავშირის გამო, ქვეყნის კანონმდებლობის მიხედვით ქალსა და ვაჟს შორის აკრძალულია ქორწინებამდე სექსი.

ემლინმა და ირინამ გაერთიანებულ საემიროებში მუშაობის დროს გაიცნეს ერთმანეთი.როგორც წყვილი აცხადებს, ახალი წლების შემდეგ დაინიშნენ და უახლოეს მომავალში აპირებდნენ ოჯახის შექმნას.

ახალგაზრდა წყვილი 29 იანვარს დააკავეს, მას შემდეგ, როდესაც მუცლის არეში ტკივილების ჩივილით ირინამ ადგილობრივ კლინიკას მიმართა, ექიმმა აღმოაჩინა, რომ ქალი ფეხმძიმედ იყო და ამის შემდეგ მან სამართალდამცავებს გამოუძახა, რადგან ქალმა ქორწინების დამადასტურებელი საბუთის წარდგენა ვერ შეძლო.

საქმე პოლიციას გადაეცა, ბრალდება წყვილს ჯერჯერობით არ წაყენებია, ცნობილია, რომ ისინი ამჟამად უკვე ორ თვეა აბუ-დაბის Al Wathba Prison -ის საპყრობილეში იმყოფებიან.

პოლიცია არკვევს ფეხმძიმობის რომელ სტადიაში იმყოფება ირინა ნოხაი, აღსანიშანავია, რომ მათ საკმაოდ ხანგრძლივი პატიმრობა ელოდებათ.

ამჟამად უკრაინის და სამხრეთ აფრიკის რესპუბლიკის საელჩოები ცდილობენ მიიღონ მათი დაქორწინების ან დეპორტაციის ნებართვა, ამასთანავე სარ-ის საგარეო საქმეთა სამინისტრომ განაცხადა, რომ წყვილმა დაარღვია სამხრეთ აფრიკის კანონებიც.სამინისტრომ ურჩია მათ იურიდიულ დახმარებას მიმართონ.

"ისიც კი არ ვიცით რა მდგომარეობაში არიან ისინი, საერთაშორისო ურთიერთობის დეპარტამენტი გვირჩევს მოთმინება გამოვიჩინოთ, არა და საფრთხეშია სამი სიცოცხლე"-განაცხადა კარველვერის დედამ და იქვე დასძინა: "ერთადერთი მათი დანაშაული ის არის, რომ ერთმანეთი შეუყვარდათ".

იხილეთ სტატიები მსგავს თემებზე