ყველას უნდა ჯანმრთელი და ლამაზი ღიმილი ჰქონდეს. ამის ერთ-ერთი წინმსწრები მოვლენა კი თეთრი და ჯანმრთელი კბილებია. სწორედ ამიტომ გვთავაზობს დღესდღეობით ბაზარი უამრავ კბილების გასათეთრებელ საშუალებას. უმეტესობა ამ საშუალებებისა ძალიან ძვირია, ხშირად კი უშედეგო.
რატომ უნდა დავხარჯოთ უამრავი დრო და ფული, როდესაც შეგვიძლია მივმართოთ სახლის პირობებში მკურნალობას და თანაც ბუნებრივი საშუალებით. ეს საშუალება არის - ვაშლის ძმარი. ვაშლის ძმარი შეიცავს მნიშვნელოვან მინერალებს, ფერმენტებს და პექტინს. ის უზრუნველყოფს კბილების გათეთრებას, კბილების ზედაპირიდან ლაქების და ყვითელი ნადების მოშორებას და იმ მიკრობების განადგურებას, რომლებიც იწვევენ არასასიამოვნო სუნს პირის ღრუში.
როგორ გამოვიყენოთ ის?
ჩაასხით ნახევარი ჩაის კოვზი ვაშლის ძმარი ერთ ჭიქა წყალში, ეს სავლები გამოივლეთ ყოველ დილით. შემდეგ კი გაიხეხეთ ჯაგრისით კბილები, როგორც აქამდე აკეთებდით.
! გაფრთხილება ! - ვაშლის ძმარი მჟავაა და შესაძლოა მან გამოიწვიოს კბილების დაზიანება. ამიტომ არასოდეს გამოიყენოთ ის წყლის გარეშე. დამატებითი რჩევები:
* შეამცირეთ შავი ჩაისა და ყავის მოხმარება
* შეწყვიტეთ მოწევა!
* გაამდიდრეთ თქვენი რაციონი კალციუმით მდიდარი პროდუქებით ( რძე, კეფირი, მაწონი, ყველი, სოიო, არაჟანი, კვერცხი, ხაჭო ).
* ამოიღეთ ხმარებიდან ან მნიშვნელოვნად შეამცირეთ შაქრის შემცველი შოკოლადის, კანფეტების, ნამცხვრების და სხვა ტკბილეულის მოხმარება.
ჯანმრთელობას გისურვებთ!