უძილობა არა მარტო შრომისუნარიანობის დაქვეითებას, არამედ ჯანმრთელობის მდგომარეობის გაუარესებასაც იწვევს. შესაძლოა თავი იჩინოს ისეთმა პრობლემებმა, როგორიც არის იმუნიტეტის დაქვეითება, თავის ტკივილი, მხედველობის გაუარესება და წონაში მატება.

ყველა ადამიანის ორგანიზმს ინდივიდუალური მოთხოვნილება აქვს ძილის საათების მიმართ-ზოგმა შესაძლოა 6 საათში გამოიძინოს, ზოგისთვის კი 9 საათი ძილიც ცოტა იყოს. მაგრამ რამდენი ხანიც არ უნდა გეძინოთ, ძალიან მნიშვნელოვანია, რომ ძილი იყოს ღრმა, მშვიდი და შუალედებში გამოღვიძებების გარეშე.

მაგრამ თუკი თქვენი პარტნიორი ხვრინავს, ამან თქვენი მშვიდი ძილი შესაძლოა დაარღვიოს. ამაზე არ ღირს გაბრაზება, რადგან ხვრინვას ხომ თავისი მიზეზები აქვს. ყველაზე ხშირად ხვრინვის მიზეზი ჭარბი სითხეა სასუნთქ გზებში.

ამგვარ სიტუაციაში თქვენ დაგეხმარებათ ნაყენი, რომელიც უნდა მიიღოთ ძილის წინ. ეს ბუნებრივი ინგრედიენტები ყველასთვის ხელმისაწვდომია. თქვენ ძალიან მარტივად შეძლებთ დაამზადოთ თქვენი მშვიდი ძილისთვის შეუცვლელი ნაყენი.

როგორ დავამზადოთ ნაყენი? ამისთვის დაგვჭირდება შემდეგი ინგრედიენტები:

1. 2 ვაშლი;

2. მეოთხედი ლიმონი;

3.2 სტაფილო;

4.1 ცალი კოჭის ნატეხი;

5. ნახევარი ჭიქა წყალი.

მომზადების წესი:

ყველა ინგრედიენტი გარეცხეთ, დაჭერით მსხვილად, ვაშლი გაასუფთავეთ და დააბლენდერეთ ერთგვაროვანი მასის მიღებამდე. დაუმატეთ ნახევარი ჭიქა წყალი და მიიღეთ ნაყენი დაძინებამდე 1, 5–2 საათით ადრე.

გარდა ამისა შეეცადეთ, რომ ძილის წინ არ მიიღოთ ძნელადმოსანელებელი, შემწვარი და ცხიმიანი საკვები, ასევე შოკოლადი და ალკოჰოლი.

იმედია ეს ნაყენი თქვენს ოჯახს მშვიდ ძილს მოუტანს!