ქვეწარმავალი, გაბერილი მუცლით, ნიგერიის ერთ-ერთი რეგიონის სოფელში, ქალებმა შენიშნეს და მაშინვე დაუკავშირეს ის, ბოლო პერიოდში გახშირებულ, საქონლის ხშირ დაკარგვას… მალე მთელმა სოფელმა გაიგო, რომ დასახლებაში გველი იყო. მას მალევე მიაგნეს და მოკლეს, ხოლო როდესაც გაკვეთეს, თვალებს არ დაუჯერეს!

გველი, რა თქმა უნდა, გიგანტური იყო – 5 მ., მაგრამ მთავარი ის იყო, რომ მუცელში თხა ან ძაღლი კი არა, დაახლოებით 100 კვერცხი (ჩვეულებრივ, კვერცხების რაოდენობა 28 – 42 ცალია) ჰქონდა, რომლიდანაც ახლო მომავალში, გველის წიწილები უნდა დაბადებულიყვნენ… ანუ იმ გველის მსგავსი, კიდევ 100 გველი...

გველის ზუსტი სახეობის დადგენა ვერ მოხერხდა. ფოტოსურათის მიხედვით, სავარაუდოდ, იეროგლიფური ანუ კლდის პითონია — ყველაზე დიდი ზომის ქვეწარმავალი აფრიკის კონტინენტზე. მას არა აქვს შხამიანი კბილები და მსხვერპლს ძლიერი კუნთებით გუდავს.

აფრიკული პითონი ყველაფრით იკვევება, რის დაჭერასაც შეძლებს: დიდი ზომის მღრღნელებით დაწყებული – ვარანებით (სიგრძე 2-3, 5 მ. იწონის 100 კგ-მდე) დამთავრებული. ველურ ბუნებაში, მას შეუძლია ნიანგი ან პრაიდს ჩამორჩენილი ლომის ბოკვერიც დაჭიროს, ხოლო ადამიანებთან ახლოს — ქათმებზე, თხებზე და ძაღლებზე ნადირობს.

გველი ელვის სისწრაფით ესხმის თავს ნადავლს, გარს რგოლებად ეხვევა და იქამდე უჭერს ძლიერ, ვიდრე მსხვერპლს გული არ გაუჩერდება.