ბავშვებზე ძალიან მოქმედებს თქვენი სიტყვები, ამიტომ თითოეული სიტყვა კარგად უნდა გავაკონტროლოთ, რათა მომავალში ბავშვის ცხოვრებაზე ცუდად არ აისახოს. შესაძლოა ამ სიტყვებს დიდი მნიშვნელობა არ აქვს ჩვენთვის, მაგრამ მათთვის ეს მნიშვნელოვანია.

ბრიტანელი, იაპონელი და შვეიცარიელი მეცნიერების ერთობლივი კვლევის შედეგად, აღმოჩნდა, რომ სიტყვები, რომელსაც ბავშვებს თითქმის ყოველდღიურად ვეუბნევით, შესაძლოა მათ ფსიქოლოგიაზე უარყოფითად იმოქმედოს. წარმოგიდგენთ ამ სიტყვებისგან შემდგარ წინადადებებს...

1. "თუ ამას გააკეთებ, მაშინ იცოდე ძალიან მეყვარები!"

მშობლებს შვილები ყველანაირი პირობის გარეშე უნდა უყვარდეთ. ასეთი უბრალო წინადადება -"თუ ამას გააკეთებ, მაშინ იცოდე ძალიან მეყვარები!" რომელიც ძალიან უდანაშაულოდ გამოიყურება, შესაძლოა თქვენ და თქვენს შვილს შორის უნდობლობა გამოიწვიოს. ასეთი მიმართვა ბავშვის ფისქოლოგიაზე ძლიერად მოქმედებს. ბავშვები ფიქრობენ, რომ თქვენ ისინი პირობების სანაცვლოდ გიყვართ!!!

2. "არაფრის მოსმენა არ მინდა!"

არის მომენტები, როდესაც ბავშვები საუბრის ტონს უწევენ, ან კიდევ რაიმეს ხმამაღლა გვეკითხებიან. ნუ დაუშლით! და არცერთ შემთხვევაში არ უთხრათ შემდეგი წინადადება - "არაფრის მოსმენა არ მინდა!". მსოფლიოდ ცნობილი მეცნიერები გვავალდებულებენ, რომ ბავშვების აზრებს ვცეთ პატივი და მოვუსმინოთ, ვუპასუხოთ მათ დასმულ კითხვებს. არ არის საჭირო გადამეტებული სიმკაცრე. ბავშვების ფსიქოლოგია განსხვავებულად მუშაობს, შესაძლოა იფიქრონ იმის შესახებ, რომ ისინი თქვენს ცხოვრებაში ზედმეტობას წარმოადგენენ.

ხშირად ხდება შემთხვევა, როდესაც მშობლები ბავშვს ტოვებენ ბებიასთან, პაპასთან, დეიდასთან, ბიძასთან ან მეზობელთან. ნუ ეტყვით ბავშვს შემდეგ სიტყვებს - "ისეთი ხარ, როგორიც დედაშენი და მამაშენია!" ეს მათ ფსიქოლოგიაზე ძალიან დიდ გავლენას ახდენს. ბავშვებს ჰგონიათ, რომ თქვენ მათ მშობლებს ემტერებით და ბავშვებს მშობლების გამო ამ მეთოდით სჯით. თუ ძალიან გაგაბრაზებთ ბავშვი, თავი მოთოკეთ და სიტყვებს აუცილებლად დაუკვირდით!

4. "თუ არ შეჭამ, ვერ გაიზრდები"

ეს პრობლემა თითქმის ყველა მშობელს აქვს, მაგრამ ბავშვს არ უნდა ვუთხრათ, რომ "თუ არ შეჭამ, ვერ გაიზრდები" -ეს წინადადება მათზე უარყოფითად მოქმედებს და ჭამის ხალისი უფრო ეკარგებათ. უკეთესია აუხსნათ ჯანმრთელობისთვის სასარგებლო პროდუქტების მნიშვნელობა.

5. "სხვისი შვილები..."

არასოდეს არ შეადაროთ თქვენი შვილები, სხვის შვილებს. ეს ფაქტი ბავშვების ფსიქოლოგიაზე დიდ ზეგავლენას ახდენს. თავის თანატოლებს მეტოქეებად მიიჩნევენ და არ უყურებენ მათ მეგობრის თვალით. დროთა განმავლობაში ფუჭდება ურთიერთობა. ამას მშობლები გვიან ხვდებიან, ხშირ შემთხვევაში ვერც კი ხვდებიან!

6. "მე რომ შენს ასაკში ვიყავი..."

ნუ შეადარებთ საკუთარ თავს, განვლილ ცოხვრებას ბავშვის ახლანდელ ცხოვრებასთან. მეცნიერთა კვლევის შედეგად აღმოჩნდა, რომ ეს ფაქტი ბავშვებზე ცუდ ზეგავლენას ახდენს. ასეთი სიტყვების გამო, შესაძლოა ბავშვებმა მომავალ ცხოვრებაში საკუთარი ბედნიერების ფასად სხვები გააბედნიერონ, რადგან ისინი თქვენგან იღებენ მაგალითებს...

7. "იცოდე არ შემარცხვინო"

"იცოდე არ შემარცხვინო" -ამ წინადადებით, შესაძლოა ბავშვი დაარწმუნოთ ან გააჩუმოთ, მაგრამ ეს მათ ემოციებზე ძლიერ მოქმედებს. ბავშვებს ტვინში მხოლოდ ერთი რამ უტრიალებთ, დედა(მამა) არ შეარცხვინონ, არ გააკეთონ ისეთი რამ, რაც მათ გაბრაზებას გამოიწვევს. მეცნიერთა კვლევებმა ცხადყო, რომ ეს ფაქტი მომავალ რომანტიულ ცხოვრებაში უარყოფითად მოქმედებს!

იხილეთ ასევე:

1 - ფეიხოა - ეს აუცილებლად უნდა იცოდეთ!

2 - 10 საინტერესო ფაქტი კარტოფილის შესახებ - ეს აუცილებლად უნდა იცოდეთ!

3 - აუცილებლად გასათვალისწინებელი რჩევები ჯანმრთელობისთვის!

4 - 10 ოქროს წესი - სიცივეში სწორად ვარჯიშისთვის!

5 - თუ თქვენ სააბაზანოს ღრუბელს ხმარობთ, ეს აუცილებლად წაიკითხეთ!

სტატიის ავტორი: ალექსი აბდიევი