დონალდ ტრამპი ამერიკის შეერთებული შტატების 45-ე პრეზიდენტი გახდა, რამაც ამერიკელი ხალხისა და მსოფლიოს ხალხთა უმეტესობას თავზარი დასცა. 2016 წლის 8 ნოემბრის საპრეზიდენტო არჩევნები ნამდვილად შევა, თითქმის 200-წლიან ისტორიაში, როგორც ყველაზე ოდიოზურ, რთულ და ურთიერთსაწინააღმდეგო პოლიტიკურ მოვლენად. შეიძლება ითქვას, რომ ეს იყო ყველაზე კურიოზული არჩევნები ამერიკის ისტორიაში.

დონალდ ტრამპი ნიუ-იორკის უძრავი ქონების მაგნატის, ფრედ ტრამპის მეოთხე შვილია. ფორბსის მონაცემების მიხედვით, მისი ქონება 3.7 მილიარდი დოლარია,
თუმცა თავის ქონებას თავად ტრამპი 10 მილიარდად აფასებს.

საპრეზიდენტო კამპანიის პერიოდში, რესპუბლიკელ კანდიდატს მწირი პოლიტიკური
კარიერის გამო ხშირად აკრიტიკებდნენ და ბრალს ქალებზე სექსუალურ ზეწოლასა და
მათ მიმართ დისკრიმინაციულ მიდგომაში სდებდნენ.

კამპანიის პერიოდში, ტრამპს რუსეთის ლიდერ, ვლადიმერ პუტინთან მიმოწერაშიც
სდებდნენ ბრალს, რასაც ის უარყოფდა.

მიუხედავად მის წინააღმდეგ აგორებული შავი პიარისა, ფაქტია, რომ ბიზნესმენი დონალდ ტრამპი დღეს ამერიკის 45-ე პრეზიდენტია, რასაც სოციალურ ქსელებში აქტიურად ეხმიანებიან. გთავაზობთ, რამდენიმე სახალისო კარიკატურას, რომელიც ამერიკის არჩევნების შედეგებს და მოსახლეობის რექციას აღწერს.