საქართველოს პრეზიდენტის ინიციატივით, სამეგრელოში ახალი ქალაქი, ლაზიკა აშენდება. ეს ისტორიული მხარე დასავლეთ საქართველოში მდებარეობს მდინარე რიონის ქვედა დინებასა და მდ. ჭოროხის შესართავს შორის, ის პირველად მე 6 საუკუნეში მოიხსენიება.

ქვეყნის პირველი პირის თქმით 10 წელიწადში დასავლეთ საქართველოს ამ ლამაზ ადგილზე ნახევარი მილიონი ადამიანი იცხოვრებს.

ლაზიკა საქართველოს სავაჭრო-კომერციულ-ტურისტულ ცენტრად და საპორტო ქალაქად უნდა იქცეს - ეს ამბავი საზოგადოების ნაწილმა სასიხარულო და რეალურ ამბად მიიღო, ნაწილმა ხუმრობად ჩათვალა, ნაწილმა კი გააკრიტიკა და თქვა, რომ საქართველოს არც ფინანსური რესურსი აქვს ახალი ქალაქის მშენებლობისათვის და არც ამის საჭიროება არსებობს. თუმცა სანამ ქართველები თვითგამორკვევის პროცესში არიან, უცხოურ საიტებზე უკვე დაიდო მომავლის ლაზიკას ვიდეო და ის მართლაც გასაოცარია.