ლეგენდარული იტალიელი მსახიობის სურვილი რუსეთის მოქალაქეობის შესახებ გაახმოვანა მსახიობმა ალექსანდრე რევამ, რომლის კლიპშიდაც თამაშობს ორნელა მუტი.

Comedy Club-ის მონაწილე, მსახიობი და მომღერალი ალექსანდრე რევა აცხადებს, რომ ორნელა მუტიმ უკვე მოამზადა შესაბამისი დოკუმენტები.

"ორნელა მუტი უკვე არის რუსეთის ფედერაციის რეზიდენტი და ამზადებს საბუთებს რუსეთის მოქალაქეობის მიღებისთვის, მან ამის შესახებ ერთობლივი კლიპის"როგორც ჩელენტანო"(Как Челентано) პრემიერის დროს განაცხადა"-აღნიშნა ალექსანდრე რევამ.

რევას მუსიკალურ ვიდეოში, კლიპის გმირი არტურ პიროჟკოვი განასახიერებს ადრიანო ჩელენტანოს, ხოლო ორნელა მუტი საკუთარ თავს თამაშობს.

თვითონ მსახიობს ბევრჯერ აქვს ნათქვამი, რომ რუსული ფესვები აქვს, მისი პაპა-ბებია სანკტ-პეტერბურგში ცხოვრობდნენ, შემდეგ ოქტომბრის რევოლუციის შემდეგ იძულებულები გახდნენ ემიგრაციაში წასულიყვნენ.

შეგახსნებთ, 3 ნოემბერს რუსეთის პრეზიდენტმა ვლადიმერ პუტინმა ხელი მოაწერა ბრძანებას, რის მიხედვითაც ჰოლივუდის მსახიობს და პროდიუსერს სტივენ სიგალს რუსეთის მოქალაქეობა გადაეცა.სხვათა შორის სიგალის წინაპრებიც რუსეთიდან ემიგრირებულები არიან.