ფოტოგრაფი სეფი ბერგერსონი ინდოელი ფოტოგრაფია, რომლის საქმიანობაც ძირითადად ქორწილების გადაღებაა და მართლაც ულამაზესია მის მიერ ფირზე აღბეჭდილი ყველა ქორწილი. სეფის ერთი აუხდენელი ოცნება ქონდა: მას ყოველთვის უნდოდა, რომ ქორწილი გადაეღო უბრალოდ თავისი „IPhone“-ით, მაგრამ მან საკმარისად მამაცი წყვილი ვერ მოძებნა, ვინც ამას გარისკავდა. ეს გასაკვირი არ არის, რადგან ეს არის დღე, რომელსაც მთელი ცხოვრება ელოდები... როცა გინდა რომ ყველაფერი გამორჩეული, განსხვავებული და კარგი იყოს... როცა უშრეტ ფანტაზიას მიმართავ, რათა ეს დღე დასამახსოვრებელი გახდეს, სადაც ფოტოგრაფს დიდი როლი აქვს და შესაბამისად, რთულია შენი დღე უბრალოდ ტელეფონით გადაიღო. თუმცა, ბერგერსონის ოცნება ახდა და დაითანხმა წყვილი, თავისი „IPhone 6S Plus“-ით გადაეღო 3-დღიანი ინდური ქორწილი უდაიპურში, რაჯასტანში.

„რაც მე „IPhone“-ში მომწონს, არის ის რომ მეხმარება, უფრო მეტად ახლო კონტაქტი მქონდეს საგნებთან“ - ამბობს ბერგერსონი, რომლის ფოტოსესიაც ერთგვარი რეკლამაა
„IPhone“-სთვის.

მართალია, ფოტოგრაფისთვის რთული აღმოჩნდა ემუშავა განათების გარეშე, რაც ერთ-ერთი მნიშვნელოვანი ფაქტორია, მაგრამ შედეგი მართლაც გაგაოცებთ. 7 წლის გამოცდილების მქონე პროფესიონალი ბერგერსონისთვის მიუღწეველი როგორც ჩანს არაფერია!

ფოტოგრაფი სეფი ბერგერსონი