ნამცხვრები ღამე ცომის მომზადება – დილით ცხობა ან პირიქით – დილით ცომი და საღამოს ცხობა. უგემრიელესი ნამცხვრის რეცეპტი დაკავებული ქალბატონებისთვის და არა მარტო 2016, 7 ოქტომბერი, 16:46 ინგრედიენტები ცომისთვის: კარაქი (ან მარგარინი) – 300 გრ. არაჟანი – 300 გრ. შაქარი – 1, 5 ჭიქა კვერცხი – 3 ცალი (+ კვერცხის გული – გადასასმელად) ვანილინი – 1, 5 გრ. სოდა – 1 ჩ. კ. მარილი – 1 მწიკვი ფქვილი – რასაც შეიზელს მასალა გულსართი: შესქელებული რძე – 1 ქილა (370 გრ.) შავი შოკოლადი – 100 გრ ნიგოზი (გატარებული) – 1 ჭიქა მომზადება: 1. ათქვიფეთ კარაქი კარგად > დაამატეთ არაჟანი და გააგრძელეთ თქვეფა > დაამატეთ შაქარი და კარგად ათქვიფეთ (მინიმუმ 3 წუთი, სანამ არ აფუმფულდება) > შეათქვიფეთ კვერცხი ცალ-ცალკე > დაამატეთ ვანილის ნახევარი, 1 ჭიქა ფქვილში შერეული სოდა და მარილი > კარგად ათქვიფეთ > დაუმატეთ ფქვილი იმდენი, რომ რბილი, გასაბრტყელებელი ცომი მიიღოთ. 2. ცომი გაყავით 4 ნაწილად > გააკეთეთ გუნდები > თითოეული გუნდა მოათავსეთ ერთჯერად პოლიეთილენის პარკებში ან გაახვიეთ ცალ-ცალკე სამზარეულოს აპკში და შეინახეთ მაცივარში 12 საათი. შენიშვნა: * ცომის მაცივარში შენახვა 1 კვირის მანძილზე შეგიძლიათ (+2 გრადუსზე –ანუ იმ თაროზე, რომელიც საყინულესთან ახლოს არის). ასე შენახული ცომით, შეგიძლიათ ყოველდღე ახალ-ახალი ნამცხვარი გამოაცხოთ – ერთი გუნდიდან 6-7 ნაჭერი გამოდის. * რეცეპტსი მოცემული გულსართის ნაცვლად, შეგიძლიატ სქელი ჯემი ან ერთმანეთთან შერეული გატარებული ნიგოზი და შაქრის ფხვნილი გამოიყენოთ (პროპორვიით 1:1). * ჯემისა და ნიგვზიანი შაქრის გამოყენების შემთხვევაში, შეგიძლიათ ხვეული გააკეთოთ. 3. შოკოლადიანი გულსართის მოსამზადებლად, ემალირებულ პატარა თასში ჩაასხით შესქელებული რძე > დაამტვრიეთ შოკოლადის ფილა და ჩაყარეთ თასში > დადგით თასი ნელ ცეცხლზე იქამდე, ვიდრე შოკოლადი არ გადნება, თან სულ ურიეთ. 4. როდესაც შოკოლადიანი შესქელებული რძე შეგრილდება, დაამატეთ მანქანაში გატარებული ნიგოზი. 5. გამოიღეთ მაცივრიდან ცომი > გააბრტყელეთ სათითაოდ თითოეული გუნდა 1 სმ. სისქეზე > მოათავსეთ გულსართის მეოთხედი და ცომზე გაანაწილეთ, ისე რომ ნაპირებთან, 2-3 სმ. სიგანეზე, გულსართის გარეშე იყოს > შეკარით ცომი ღვეზელივით და მოათავსეთ ცხიმწასმულ და ფქვილმოყრილ საცხობ ფირფიტაზე, «ნაკერით» ქვევით. 6. კვერცხის გულს შეურიეთ ცოტა წყალი და დარჩენილი ვანილინი > გადაუსვით ზემოდან ნამცხვარს > მოაფიფქეთ ცოტა შაქარი > დაჩხვლიტეთ ჩანგლით 6-7 ადგილზე. 7. გამოაცხეთ 180 გრადუსზე, წინასწარ გახურებულ ღუმელში. 398 7-ს მოსწონს
|