პლანეტის ყველაზე სექსუალური ექიმი 26 წლის ორთოპედი, მიხაილ ვარშავსკი გახდა. იგი წარმოშობით რუსია. 6 წლის ასაკში ოჯახთან ერთად რუსეთიდან აშშ-ში გადავიდა საცხოვრებლად. ჯერ კიდევ სკოლის მოსწავლემ მტკიცედ გადაწყვიტა ექიმი გამოსულიყო. და გამოვიდა კიდეც: იგი ნიუ ჯერსის სამედიცინო ცენტრ Overlook-ში ოჯახის ექიმად მუშაობს. ამასთან, იგი არის მეწარმე და მეცენატი.

ახალგაზრდა ექიმმა მაიკმა (ასე უწოდებს იგი საკუთარ თავს) უკვე მოასწრო მშვენიერი სქესის 2 მილიონამდე წარმომადგენლის გულის დაპყრობა, რომლებიც Instagram-ზე მის გვერდს თვალყურს ადევნებენ.

ყველაფერი დაიწყო სამი წლის წინ, როცა ახალგაზრდა ექიმმა Instagram-ზე გვერდი გახსნა და საკუთარი ყოველდღიურობის ამსახველი ფოტოების ატვირთვა დაიწყო. სიმპატიური ახალგაზრდა მამაკაცის სამედიცინო ფორმაში და პატარა, ტაქსას ჯიშის ძაღლთან ერთად გადაღებულმა ფოტოებმა, მალევე მიიქცია მომხმარებელთა ყურადღება. ერთხელ იგი ჟურნალ "Buzzfeed"-ის წარმომადგენელმაც შეამჩნია და ჟურნალისთვის ფოტოსესიაში მონაწილეობა შესთავაზა. მას შემდეგ, რაც გამოვიდა სტატია სახელწოდებით: "თქვენ აუცილებლად უნდა ნახოთ ეს ცხელი ექიმი და მისი ძაღლი", მაიკი ნამდვილ ვარსკვლავად იქცა.

სხვათა შორის, ექიმი მაიკის მიმზიდველობა და სექსუალურობა არა მხოლოდ სოციალური ქსელის მომხმარებლებმა შეამჩნიეს. ჟურნალმა People-მა წელს იგი მსოფლიოს ყველაზე სექსუალურ ექიმად დაასახელა.

ამჟამად მიხაილ ვარშავსკი ძალიან პოპულარული სახეა - რეიტინგული გადაცემების სასურველი სტუმარია, მას იწვევენ სხვადასხვა ქვეყნებში პოპულარულ გადაცემებში, რთავენ პირდაპირ ეთერში.

თავის ინტერვიუებში ექიმი მაიკი არაერთხელ გამოტყდა, რომ ადრე მორიდებული და ჩაკეტილი ადამიანი იყო. ყოველთვის უჭირდა ახალი ნაცნობობის გაბმა, განსაკუთრებით გოგონებთან. მაგრამ დროთა განმავლობაში, საკუთარ თავზე მუშაობისა და ფსიქოლოგიური ლიტერატურის კითხვის შედეგად, დასძლია პირადი შიშები. მაიკი დარწმუნებულია, რომ ყოველ ადამიანს შეუძლია საკუთარ ემოციურ და ფიზიკურ კეთილდღეობაზე მუშაობა, რათა საკუთარ თავთან ჰარმონიას მიაღწიოს.


ბოლო დროს სექსუალურმა ექიმმა Instagram-ზე საკუთარი პროფილს საქველმოქმედო მიზნებისთვის გამოყენება დაიწყო და დააარსა ფონდი, The Limitless Tomorrow Foundation, რომელიც ფინანსურ მხარდაჭერას უწევს ნიჭიერ სტუდენტებს, რომლებსაც არ გააჩნიათ აკადემიური სტიპენდია, მაგრამ ოცნებობენ ექიმობაზე. გაცნობის პროგრამის Coffee Meets Bagel-ის საშუალებით მიხაილი მონაწილეობას იღებს საქველმოქმედო აქციაში და აუქციონზე გამოქვს რომანტიკული პაემანი საკუთარ თავთან. აუქციონის გამარჯვეულს ერგება ნიუ-იორკში გამგზავრება, ოთხვარსკვლავიან სასტუმროში ცხოვრება, მიშლენის რესტორანში ვახშამი და, რაც მთავარი, ეს ყველაფერი მომხიბლავ ექიმთან ერთად. შემოსული თანხა კი გადაირიცხება მაიკის საქველმოქმედო ფონდში.