რუსი გოგონას საყვარლის სხვა მემკვიდრეები მოკლეს.

ვორონეჟელი გოგონა, მარინა რიჟკოვა მილიონერი გახდა მას შემდეგ, როდესაც აწ გარდაცვლილმა მისმა საყვარელმა, 59 წლის ბიზნესმენმა ქონება დაუტოვა.

როგორც Life იუწყება, 30 წლის ახალგაზრდა ქალს მემკვიდრეობით გადაეცა 1 მილიონი დოლარის ღირებულების სახლი და მიწის ნაკვეთი კალიფორნიაში, პრესტიჟულ ადგილზე.

ყველაფერი კი იმით დაიწყო, რომ გაცვლითი პროგრამის ფარგლებში ამერიკაში გაემგზავრა უნივერსიტეტში სასწავლებლად, თუმცა სამშობლოში აღარ დაუბრუნდა სადაც ქმარი ელოდებოდა და ერთ-ერთ ადგილობრივ ბანკში მდივნად დაიწყო მუშაობა.

მალე გოგონამ რომანი გააბა ბანკის დირექტორთან, მაიკლ ერეიასთან.

გოგონას განცხადებით "მათ ჰქონდათ ცხოვრებაზე ერთნაირი შეხედულებები, ერთგვარი ინტერესები", თუმცა რამდენიმე ხნის შემდეგ გაირკვა, რომ ბიზნესმენი მძიმედ იყო დაავადებული. სიკვდილის წინ მამაკაცმა დაწერა ანდერძი, რის შემდეგაც მის საყვარელს ქონების ნაწილი გადაეცემოდა.ანდერძში აგრეთვე მოხსენიებული იყვნენ აგრეთვე სხვა მემკვიდრეებიც:ბიზნესმენის და, ქალიშვილი და ოჯახის ახლო მეგობარი ქალი...

თუმცა სიტუაცია მოულოდნელად შეიცვალა.ჯერ კიდევ გაურკვეველი მიზეზით ოჯახის ახლო მეგობარმა ქალბატონმა ცხარე კამათის შემდეგ ჯერ ბიზნესმენის და მოკლა, შემდეგ ქალიშვილი, ბოლოს კი თავი მოიკლა.

ქონების ერთადერთი მემკვიდრე მარინა რიჟკოვა გახდა.