ჟურნალისტი და "ქრონიკა +"-ის რედაქტორი, ელისო კილაძე სოციალური ქსელიდან ავრცელებს ინფორმაციას იმის შესახებ, რომ სამეგრელოში "ნაციონალური მოძრაობის" მაჟორიტარობის კანდიდატი საქართველოს ყოფილი პირველი ლედი, სანდრა რულოვსი იქნება:

"სამეგრელოში ერთ ერთ ოლქში მაჟორიტარობის კანდიდატი სანდრა რულოვსი იქნება.
18 აგვისტოდან გესტუმრებათ ზუგდიდში.
ახლა რაღას შვებით, ქოცებო?" - წერს ჟურნალისტი ფეისბუქის პირად გვერდზე.

აღნიშნულმა სიახლემ მომხმარებლებში გაოცება გამოიწვია, რადგან სამეგრელოში ირაკლი ალასანიას კანდიდატურა მოიაზრებოდა. თუმცა, როგორც კომენტარებიდან ირკვევა, ალასანია ამჯერად გორში იყრის კენჭს.

ასევე კომენტარებიდან ჩანს, რომ ზუგდიდში სანდრას კანდიდატურას მომხმარებლები "მძიმე არტილერიად" მიიჩნევენ და აღნიშნავენ, რომ "სანდრა ის ქალია ვისაც ყველაზე მეტად უხდებოდა "პირველი ლედი" -ს სტატუსი".