როგორც კახეთის საინფორმაციო ცენტრი იტყობინება 21 ივნისს ჩეხმა გოგონამ საგანგებო სიტუაციების მართვის სააგენტოს ცხელ ხაზზე 03:11 საათზე დარეკა და განაცხადა, რომ გააუპატიურეს.მისივე თქმით, ის ღამით, ფიროსმანის ქუჩაზე მდებარე ერთ–ერთ საოჯახო სასტუმროში ღამის გასათევად დაბინავდა, სადაც ახლაგაზრდა მამაკაცმა გააუპატიურა.

ადგილზე სასწრაფო სამედიცინო დახმარების და პოლიციის რაიონული
განყოფილების წარმომადგენლები მივიდნენ. ექიმებმა გოგონა წნორში,
„არქიმედეს“ კლინიკაში გადაიყვანეს. ეს ინფორმაცია კახეთის საინფორმაციო
ცენტრს სასწრაფო სამედიცინო დახმარების ცენტრშიც დაუდასტურეს და წნორის
კლინიკაშიც. სამედიცინო ცენტრის დირექტორის ოთარ რუაძის განცხადებით,
პაციენტის ჯანმრთელობის მდგომარეობა დამაკმაყოფილებელია და პოლიციელებმა
ის ექსპერტიზის ჩასატარებლად გადაიყვანეს.

სამართალდმაცავებმა ბრალდებული, ახალგაზრდა მამაკაცი მალევე დააკავეს.გამოძიება სისხლის სამართლის კოდექსის 137–ე მუხლის პირველი ნაწილით მიმდინარეობს რაც გაუპატიურებას გულისხმობს. დანაშაული ისჯება თავისუფლების აღკვეთის ვადით ექვსიდან რვა წლამდე.