გაზაფხული და განსაკუთრებით ზაფხული, ფერადი სამოსის დემონსტრირებისთვის საუკეთესო დრო არის. და მნიშვნელობა არა აქვს არჩეული სამოსის სტილს. ფერების დამატება კაბაზეც შეიძლება, ქვედაბოლოზეც და კლასიკური სტილის შარვალზეც კი! აქ წარმოდგენილი ტრენდები დაგეხმარებათ, ამ ზაფხულის მოდური ფერების (წითელი, ყვითელი, ნარინჯისფერი, მწვანე, ცისფერი და ლურჯი) სწორედ კომბინირებაში. გამოიყენეთ ეს რჩევები და ამ სეზონზე, ყველაზე მოდურად ჩაცმული იქნებით!

წითელი (ვარდისფერი) + ცისფერი

ამ ფერების კომბინაცია, კოლორილების კლასიკა არის, მაგრამ ამის გამო ის ნაკლებად მოდური არ არის 2016 წელს. ფერთა ეს შეწყობა იმითაც არის «მოსახერხებელი», რომ მასთან ერთად, სხვა ფერების დამატებაც შეიძლება. მაგრამ ყოველთვის უნდა გახსოვდეთ «3 ფერის» წესი, რომელიც ერთდროულად, მხოლოდ 3 სხვადასხვა ფერის ტანსაცმლის ტარებას გულისხმობს.

ნარინჯისფერი + ლურჯი

ნარინჯისფერი — საკმარისად რთული ფერია, რომელიც ყველა ფერთან არ «მეგობრობს», ამის გამო, ის მოდის ბევრ მიმდევარს არ მოსწონს. მაგრამ, მუქი ლურჯი (navy blue) სამოსი იდეალური მეწყვილეა ნარინჯისფერი ნივთისთვის. ის სხვა ფერებთან შედარებით ყველაზე მეტად «ამშვიდებს» მას.

ღია ცისფერი + ნარინჯისფერი

ამ დუეტში კი, ნარინჯისფერი შეუდარებლად გამოიყურება, მასთან წყვილში მყოფი ღია ცისფერი ფერის წყალობით, რომელიც მისთვის ნეიტრალური «ფონის» ფუნქციას ასრულებს.

მწვანე + ლურჯი

მუქი ლურჯი და მუქი მწვანე, თითქოს, შესაფერისი კომბინაცია არ არის, წლის თბილი სეზონისთვის. თუმცა, სტილისტები და დიზაინერები დარწმუნებულები არიან, რომ ფერების ეს შეწყობა, ამ სეზონის ჰიტი გახდება. ამიტომ, ტანსაცმლის შერჩევის დროს, ყურადღება მიაქციეთ ფერთა ამ გამას. აღნიშნული ფერების კომბინაციის დადებითი მხარე ისიც არის, რომ მასთან ერთად, ნებისმიერი ფერის ფეხსაცმლის და აქსესუარების ტარება შეიძლება.

ყვითელი + ბეჟი

ამ სეზონზე კაშკაშა ფერები არის მოდაში, რისთვისაც «მადლობა» მას უნდა ვუთხრათ, ვინც მოდური ტრენდების ჩამონათვალში, 80-იანები დააბრუნა. მაგრამ, მაგ., იადონისფერი ყვითელი ფერის «მორჯულება» ადვილი არ არის. მისი შავთან და თეთრთან მიქსი შესაძლებელია, მაგრამ ძველმოდურია. ამიტომ, ყველაზე მისაღები და მოდური ამ სეზონზე, ყვითელთან ერთად, ხორცისფერი ანუ ბეჟია ფერი არის.