პაბლო ფერარი არგენტინელი ფოტოგრაფია, ის საქართველოში მხოლოდ სამი დღით ჩამოვიდა, თუმცა აგერ უკვე თითქმის წელიწადი ხდება აქ ცხოვრობს, მეტიც შეყვარებულია როგორც ქალაქზე, ასევე ქართველ ქალზე.მისი მუზა ცნობილი მხატვრის ავთო ვარაზის, ასევე მხატვარი ქალიშვილი ლიზია.

პაბლომ ფოტოგადაღება 6 წლის წინ დაიწყო და ამ პერიოდში ლათინური ამერიკისა და ევროპის 10 ქვეყანაში მოგზაურობა მოასწრო. მისი ფოტოები ლიზიმ ინტერნეტით
აღმოაჩინა, ასევე, ინტერნეტით აღმოაჩინა პაბლომ ლიზის ნამუშევრები.

„სკაიპში“ მათმა საუბარმა 10 თვეს გასტანა და ბოლოს, ვერაზე, პატარა სახლში
შესახლებით დასრულდა.

პაბლოს ფოტოებს ძნელია მარტო სურათები ვუწოდოთ, ისინი უფრო ნახატებს ჰგავს.იღებს ძველ თბილისს, იტალიურ ეზოებს, საგნებს, ადამიანებს და მათში ხელოვნებას აღვიძებს. ცდილობს, აქამდე ნაცნობი ადგილები ახალი კუთხით დაგვანახოს და თუნდაც ნაცნობ თბილისში, ხელმეორედ გვამოგზაუროს.მისი საყვარელი ადგილი ვერცხლის ქუჩაა, აგრეთვე ნარიყალა. უყვარს წოდორეთში დასვენება. სწორედ იქ გადაიღო საყვარელი ქალის ცნობილი ფოტო.

ამა წლის თებერვალში პაბლომ თბილისში გამოფენაც მოაწყო, სადაც შეგეძლოთ მისი ნამუშევრებით ცნობისმოყვარობა დაგეკმაყოფილებინათ.

ფოტოზე: პაბლო ფერარი და ლიზი ვარაზი