გავრცელებული ინფორმაციის თანახმად, Facebook-ი Messenger აპლიკაციაში „საიდუმლო ჩატების“ ფუნქციის დამატებაზე მუშაობს.
The Information-ის ცნობით, ახალი მახასიათებლის კოდი კომპანიის iPhone აპლიკაციაში გამოჩნდა.
ასევე ვრცელდება ხმები, რომ Facebook-ი გეგმავს Messenger აპლიკაცია გაყიდვათა ერთგვარ კვანძად აქციოს, რომლის საშუალებითაც მომხმარებლებს სხვადასხვა საგნების ყიდვა-გაყიდვა შეეძლებათ.
ჯერჯერობით უცნობია თუ რა სახის იქნება secret chats-ის ფუნქცია, მაგრამ Messenger-ის კონკურენტ აპლიკაცია Telegram-ში იგივე ფრაზას იმ სპეციალური მიმოწერისთვის იყენებენ, რომლებიც მთლიანად დაშიფრულია.
ასევე უცნობია თუ რა გზით გეგმავს Facebook-ი Messenger აპლიკაციის გაყიდვათა კვანძად ქცევას, თუმცა ეს შესაძლოა კავშირში იყოს კომპანიის მიერ bot store-ის შექმნის გეგმასთან - რობოტებს შეეძლებათ გესაუბრონ და დაგეხმარონ სხვადასხვა რამის ყიდვაში.
